LIMA ka mga barangay ang giisip karon nga hotspot areas diin grabe ang problema sa ilegal nga mina ug quarry.

Naglakip kini sa Binaliw, Cam­binocot, Pulangbato, Ka­­lu­nasan, ug ang bag-o lang na­­dis­kobrihan sa Buhisan.

Subay niini, usa ka Anti-Illegal Mining Local Enforcement Task Force (AMLET) ang giumol ni Cebu City Mayor Tomas Osmeña aron moatiman niining mga ilegal nga mina ug quarry nga gihimo sa dakbayan.

Ang AMLET ubos sa Executive Order 28 ni Osmeña nagmando nga mao’y mosusi sa mga permit sa mina ug quarry ingon man modakop usab sa mga trucks nga ilegal nga naghakot.

Matod sa executive director sa AMLET nga si Kevin Crister Paz nga usa ka buwan nila nga i-impound ang truck kon masakpan nga way hauling permit ug delivery receipt.

Di mominus P18,000 usab ang multa niini diin P500 ma­tag adlaw ang bayranan sa pag-impound ug P2,800 isip penalty.

Dugang ni Paz nga usa moabot sa usa ngadto sa duha ka truck matag adlaw ang masikop nila sa ilegal nga aktibidad niini.

Si Osmeña, sa iyang bahin, nagkanayon nga usa ning pag-agi sa mga dagkong truck gikan sa mina ug quarry nga nakaguba sa dalan hilabi na sa Barangay Binaliw.

Gisaway niya si Barangay Captain Wilson Bacor nga nisugot nga maguba ang dan sa iyang barangay tungod sa mga dagkong truck. (HBL)