Gunman nailhan; nagdumot: pulis

DUHA ka persons of inte­rest, usa niini ang gituohang gunman, ang gi-monitor sa Mandaue City Police Office (MCPO) nga may kalambigitan sa kamatayon ni PO1 Mae Sasing kinsa gipusil patay samtang paingon mopauli sa Consolacion niadtong Martes sa gabii.

Gitumbok ni Sr. Supt. Ro­berto Alanas, hepe sa MCPO, nga ang gunman wa bayri ug maoy personal nga bikil sa babayeng pulis.

“Lumalabas sa aming investigation na hindi naman to “hired” but nandon pa rin ang yung speculation natin na may posibilidad na ganun but ang ano ko dito, ginawa to sa suspek because of his own motive. Based sa aming intelligence report, the suspect committed the shooting incident by his own personal will,” ni Alanas sa dihang nahinabi sa mga tigbalita.

Paambit niya nga aduna na silay mga ngan ug hulagway sa mga suspek apan di lang una nila ipahibawo sa publiko alang sa seguridad sa kabanay sa biktima ug aron di kini makaipsot.

“Mino-monitor namin ang kanyang location but definitely, alam na natin kung sino siya. Pinagtitibay lang natin ang ebidensya para di masayang pag-file ng kaso. Kahit saan man siya magtago, huhulihin namin siya,” bahad ni Alanas.

Nanawagan usab si Alanas sa ubang mga nakasaksi sa krimen niadtong Martes nga moabag sa kapulisan ilabi na niadtong gasunod ni Sasing nga adunay dashcam ug gopro nga gibutang sa ilang mga gipangsakyan.

Nasuta ning mantalaan gikan ni Alanas nga duha ka mga nakasaksi sa panghitabo ang andam nga nakigkoor­dianr sa kapulisan kalabot sa maong kaso.

Kagahapon sa hapon, ang MCPO nipahigayon og case conference inubanan sa Consolacion Police Station, Lapu-Lapu City Police Office, PNP Crime Lab ug uban pa.

“Kagaya ng sinabi ko, we will classify our witness according to their categorization kung saan ba sila mapupunta dun. Definitely, this witness will help us to identify and eventually filing the case of the suspek kung di natin siya nahuli within the time frame,” ni Alanas.

Nagtutok gihapon sa dumot ang motibo nga gitan-aw karon sa MCPO nga maoy rason sa paghimo sa krimen apan wa gihapon giwagtang sa kapulisan ang mga laing ang­gulo sa krimen. (JPP)