MAGTUKOD og training center ang Amateur Boxing Alliances of the Philippines (ABAP) sa dakbayan sa Sugbo.
Gumikan sa pagsaka sa popularidad sa boksing sa dakbayan gumikan sa matag duha ka mga buwan nga Cebu Amateur Boxing Revival (CABR), ang ABAP nakadesisyon nga hatagan og saktong pagtutok ang Sugbuanong mga boksidor.
Sa interbyu sa Sun.Star Cebu, igsuong buhatan ning mantalaan, nagkanayon si ABAP 7 regional director Lorenzo “Chao” Sy nga gimanduan siya ni ABAP secretary general Ed Picson nga mangita og puwesto alang sa pagtukod sa training center. (RCM, ESL)