TOMAS OPPUS - Duha ka balay ang naugdaw sa nahitabong sunog sa Barangay San Miguel, Tomas Oppus, Southern Leyte.

Ang duha ka balay iya ni Julian Escobal ug Margarita Catig. Gisusi pa sa kabomberohan ang hinungdan sa sunog.

Nagbilin og P1.7 milyones nga danyos ang sunog. Way gikataho nga naangol o nakalas sa sunog.

Nagsugod kini alas 10:10 sa buntag ug na-control mga alas 11:00 sa buntag.

Didto sa Linao, Ormoc City, nasunog usab ang usa ka balay nga iya ni Lolinda Quilantang.

Faulty electrical wiring ang hinungdan. Way naangol o nakalas sa sunog. (JKDP)