BUOT tukion karon sa konseho sa dakbayan sa Cagayan de Oro kining hangyo sa Rio Verde Water Consortium Inc. ngadto sa Cagayan de Oro Water District (COWD) nga mangayo og usbaw sa balayrunon sa tubig sa mga konsumante sa Cagayan de Oro.
Gikan sa tag P10.45 matag cubic meter usbawan kini ngadto sa P16.35 ug basi sa hangyo sa Rio Verde giingong ubsan ang pressure sa tubig kon dili kini mahatag.
"Pagpang blackmail kini ilang gihimo og ang maapektuhan niini ang katawhan," kini ang pamahayag ni Konsehal Teodulfo Lao, chairman komite sa public utility sa konseho.
Dugang niini nga unta agreement raman kini tali sa Rio Verde ug COWD apan daw kung maapektuhan na ang katawhan, iyang sutaon ug tukion kini sa komite meeting aron mohimo og legal action.
Hinuon gipasabot ni Lao nga andam niya nga paminawon ang bahin sa Rio Verde ug COWD apan kon makonpromiso ang nag unang panginahanglan sa katawhan kay giubsan ang supplay sa tubig daw ila kining aksyunan.
Sa iyang bahin sab ni COWD assistant general manager Bienvido Batar Jr., gibutyag niini nga imposible kining mapatuman nga usbaw sa presyo sa tubig.
Daw dili kini mahimo tungod kay adunay giatubang nga mga isyu karong panahona ug daw dili sab nila buot maapektuhan ang kunsumante sa tubig.