Philippine National Games gisibog

ANG Philippine National Games (PNG), nga unang gi-eskedyul sa Disyembre 10 hangtud 16 sa Cebu City, giuswag sa Abril 15 hangtud 21, 2018.

Kini ang gipahibawo ni Philippine Sports Commission (PSC) chairman William "Butch" Ramirez, sa press conference nga gi-ere pinaagi sa Facebook live didto sa PSC conference room sa Manila niadtong Biyernes.

Gisulti ni Ramirez nga ang torneyo kinahanglang isibog aron mahatagan og saktong oras ang modumala nga local government unit (LGU) nga makapangandam.

"Some concerns were raised in holding it in December so we find it more appropriate to hold it in April instead," ni Ramirez, kinsa giubanan nila PSC commissioner Arnold Agustin, PSC executive director lawyer Sannah B. Frivaldo ug laing duha ka PSC officers.

Samtang si PSC commissioner Ramon Fernandez, commissioner for Visayas, mingon sa laing Facebook interview nga ang maong "postponement" sakto lang.

"The perfect time is summer when all student athletes can play! No problems with billeting in schools, too," ni Fernandez.

Base sa report naabot sa Sun.Star Davao nga kasagaran mga partisipante sa PNG kay collegiate athletes sa nasud diin may eksam atol sa orihinal eskedyul sa Disyembre.

Tungod niini mahimong minos ang makaapil niini.

Lain sab nga rason migawas nga kulang og billeting areas diin halos tanan colleges ug universities sa Cebu duna pay klase sa maong panahon.

Gisulti sab ni Commissioner Agustin nga kinahanglan sab nila isibog ang national Para Games sa Abril.

Samtang, midugang si Chairman Ramirez nga ang dormitories ug canteens sa Philsports Complex sa Pasig City ug Rizal Memorial Sports Complex in Malate, Manila paninduton sa unang quarter sunod tuig.

"We will feed the (national) athletes successfully with nutritionists meeting nutritional requirements of each athlete," dugang ni Ramirez.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph