MIDAGAYDAY sa iyang mga ugat ang langyaw nga dugo, apan Pinoy sa kasingkasing ug garbo nga nahimong kabahin sa kinabuhi sa Dabawenyo.

Siya si Rand D. Bentson, usa ka retired U.S. Army senior non-commissioned officer, usa sab siya ka former member sa elite United States Army Marksmanship Unit (USAMU) sa Fort Benning, Georgia USA, kinsa nagpamatuod di lamang sa kaugalingon apan ngadto sa tanan, nga sa Davao City, nia ang kinabuhi.

"I like it here, you could really retire here, people are friendly, you could be in the taxi anywhere in the PH and when you mentioned Davao City, it is always attached with good reputation because of its safety and good governance," sulti sa 53-anyos nato nga bida.

Gisaysay niya nga iyang nabati sa iyang kaugalingon nga luwas siya sa dakbayan sa Davao kaysa iyang gigikanan nga nasud.

"My experience in Davao has been good, honestly as a foreigner, I feel safer here than some place in America, I never worried when I go to ATMs and walking in the dark," butyag pa.

Di na bag-o kaniya nga ang iyang kasingkasing naa gayud sa Pilipinas human siya gianak sa Clark Air Force Base niadtong Hunyo, 16, 1964 kinsa iyang amahan usa sab ka military nga si Donavon Bentson, kinsa madestino isip communications specialist sa Estados Unidos niadtong panahon.

Ang iyang pamilya mibiya sa Pilipinas alang sa usa ka military assignments sa US apan human siya miretiro gikan sa US Army niadtong 2006, nakahukom silang mobalik sa Pilipinas niadtong 2009.

Human sa iyang unang pagbisita sa Davao City, giisip dayon niya kining iyang bag-ong kalibutan sa pagpuyo gumikan iyang nakita ug nabati nga nia ang tiunay nga kinabuhi labi na sa pagdala sa panggamhanan niadtong mayor pa sa dakbayan ang presidente sa nasud, Rodrigo Roa Duterte.

"I originally came to the Philippines to retire and do some charity work, but as I once answered the call of duty for my own country, I now seek to answer the call of duty for the country of my birth," saysay niya.

Madasigon siyang misaysay sa pipila ka gutlo sa iyang kinabuhi isip garbong usa na ka Pilipino human nga nahimo siyang professional shooter ug usa sa mga gipasidunggang kabahin sa US Army.

Human siya migraduwar sa hayskol sa US, nahatagan siya og pasidunggog isip usa ka iskolar sa Georgia Institute of Technology sa kursong nuclear engineering.

Duha lamang ka semesters ang iyang nahuman sa nuclear engineering human mamatay ang iyang amahan kinsa nabiyaan siya nga miubay ang kapit-os sa kinabuhi hinungdan nga iyang nabiyaan ang iyang pagka-iskolar ug nakahukom nga mosulod sa military service isip pasidungog sa iyang amahan.

Nagkaserbisyo siya og mga dekada sa US Army. Nagsugod siya sa iyang kalibutan sa military niadtong tuig 1987 human iyang gisulod ang mga pagsulay sa Basic Infantry and Advanced infantry training, ug sa US Army Airborne School sa Fort Benning, Georgia.

Sa iyang unang duty assignment, siya gilayong na-promote gumikan sa iyang napakita nga kadasig ug kahanas sa "sharp shooting".

Misunod niadto ang paghatag kaniya og pasidungog ni President Hundred Tab usa sa pipila ka inilang Rifleman.

Gilayong siyang na-imbitahan sa pag-try out alang sa mga posisyon sa Sniper Squad leader, Scout Platoon, HQ Company diin human niadto nahimo siyang maoy nanguna sa sniper detachment.

"I was selected to attend sniper school, where I earned the honor of Distinguished Graduate and Top Gun, firing a perfect score throughout training. Then, I was promoted to Staff Sergeant while in Korea," pagsaysay niya.

Sa tuig 1999, nahimo siyang usa ka malampusong coach sa high-power ug sa US Army history, kinsa midaug sa tanang Inter-service team, ug National trophy team ingon man ang 1000 yard matches sa single year.

Human sa mga malampuson niyang shooting ug training, napili siya nga mahimong maoy manguna sa Army-wide evaluation marksmanship training nga gidala niadto ni US Army Chief of Staff General Reimer.

Ang maong programa nahimong usa ka Infantry Center, didto sa Fort Benning diin ginadayo na alang sa tanang basic training installations ingon man mga nagkadaiyang Army units gikan sa Supply and logistics to US Army Rangers (Socom).

"With my experience and observations, I thought and initiated training materials and began a professional "train the trainer program," for US Army Drill Sergeants, BRM committee trainers, and Infantry leaders, that is still a success today," ingon niya.

Gisugdan sab niya ang usa ka inisyatibo sa Inter-service marksmanship training, kinsa miapil sa pipila ka US Navy Seal Sniper courses kinsa nahimong guest Senior instructor.

"I fully support President Duterte's policies regarding the war on terrorism, fight against illegal drugs, and anti-corruption efforts as well. If I could be of help in his administration, I am willing. I can help and I want to help," butyag niya.

Nagpadala sab siya og usa ka proposal letter ngadto sa Philippine National Police (PNP) ug sa Armed Forces of the Philippines (AFP) mahitungod sa iyang talento.

"My proposal is simple, enhanced marksmanship skills. Does practice make perfect? No! I submit to you, that only perfect practice makes perfect," ingon niya.

Sa kasamtangan, okupado siya sa iyang mga training initiatives nga "Str8tshooter training solutions" kinsa siya sab ang kasamtangan nga Vice President sa Doxa, usa ka community sa cryptocurrency enthusiasts and experts, nga nag-inusara sa Pilipinas.