GIUKOY sa mga barangay tanod sa Barangay 9-A, Poblacion ang usa ka sakyanan nga giparada daplin sa dalan kay nag-untol untol kini alas 3:30 kagahapon sa kaadlawon didto sa Jade Street, Marfori Subdivision, siyudad sa Davao.
Dihang paglili sa mga barangay tanod, nakuyawan sila sa ilang nakita dihang babaye ug lalaki pulos hubo ug naghilawas.
Sa pagpanubay sa SunStar SuperBalita didto sa San Pedro Police Station, nasayran nga madungog pa sa gawas sa sakyanan ang pag-utnga-utnga sa babaye nga si alyas Maricar, 33, taga Barangay 76-A Bucana ning siyudad kinsa maoy mikabayo sa hubo nga lawas ni Roger, 39, usa ka therapist, nagpuyo sa Sandawa.
Nasayran nga dihang nag-roving ang mga barangay tanod sa Barangay 9-A, nakuha ang ilang atensiyon sa sakyanan nga giparada kilid sa kalsada nga puwerting uyoga hinungdan nga ilang giduol, apan wa una nila disturboha samtang naglipay.
Taud-taud, wa na nila mapugngan, ila na gyud nga gisita diin nahunong ang kalipay sa duruha ug gilayon silang nag-ilis sa ilang mga sinina.
Dugang nasayran, kabit diay ni Roger si Maricar, ug wa na nila mahukman nga moadto pa sa motel ug didto na lang nila gipabuhagay sud sa sakyanan nga dala ni Roger.
Sa ilang gihimo nga public scandal, giimbitahan ang duruha sa istasyon sa pulis kinsa sa kasamtangan gipangbalhog karon sa selda sa San Pedro Police Station.