Grade 12 nakuhaan og ‘marijuana’

ARESTADO ang grade 12 nga estudyante human nakuhaan og marijuana niadtong niaging mga adlaw mga alas 4 atol sa checkpoint nga gipahigayon sa kapulisan sa Purok 1, Barangay Pala-o Iligan City.

Ang checkpoint gipangunana sa deputy station commander sa Iligan City Police Station 5 nga mao si Police Captain Ferdinand Destua.

Dihang gipara atol sa checkpoint ang habal habal driver nga mao si Edgar Canoy, 41, taga Caritas, Upper Tominobo, Barangay Tomas Cabili susamang siyudad gumikan wala nagsul-ob og helmet. Dinhi nadiskubre sa posisyon sa grade 12 sa La Salle Academy sa Iligan nga mao si Saldrine Cañete ang dayag nga pakete nga gituohang adunay sulod nga marijuana nga nahulog gikan sa sling bag sa estudyante.

Nakakuha sab og laing sachet ang kapolisan sa uga nga marijuana nga gisuksok sa notebook.

Giangkon sa suspek nga gipanag-iyahan ang maong ginadili nga druga ug gitug-an ang mga identipikasyon sa iyang mga kakunsabo.

Gilusad sa kapolisan ang pag-aresto sa laing kauban pa sa dinakpan apan gituohang nakasibat.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph