BUNGKAG? Ang kaniadto nga giingong hilom nga panagbangi nila ni Bise Gob. Agnes Magpale ug Gov. Hilario Davide III karon nabulgar na. Apan si Gobernador Davide nanghimakak sa media nga dunay silay panagbangi ni Bise Gobernador Magpale.
Wa gidawat ni Goberandor Davide ang resignation ni Bise Gobernador Magpale ngan chairman sa Cebu Provincial Tourism Council.
Nangluod (o nasuko?), matod pa, si Bise Gobernador Magpale tungod kay gi-bypass siya ngan nga chairman tourism council sa tinudlo ni Gobernador Davide nga Provincial Tourism Officer Boboi Costas.
Gawas nga wa hatagi og pagtagad si Bise Gobernador Magpale, nga nailhan na sa una nga maoy nagpalambo sa turismo sa probinsya, duna kunoy mga disbursement sa kwarta nga wa makahibawo si Magpale.
Pero basi sa uwahiay nga balita magpabilin nga chairperson si Bise Gobernador Magpale sa Provincial Tourism Council human mangayo og pasaylo si Costas, nga miangkon sa iyang kakuwang, matod pa.
Si Bise Gobernador Magpale nanghimakak usab sa balita nga nagkabikil sila ni Gobernador Davide. Apan iyang giangkon nga wa sila magkasinabot ni Costas. Wa sad siya makauyon sa rason nga wa giapil ang iyang picture sa 1511 Magazine kay mapulitika kuno.
Apan ang hulagway ni Gobernador ug ni Costas nagbansiwag sa magazine. Atong matawag nga KSP lang ni si Costas. Kon sa pulis nga lingo “nagpakilala pa” si Costas mao nga didto ra gibutang ang ngan ni bise gobernador sa katapusan pahina sa magazine.
Ang mga pulitiko ug kritiko nga nagsunod sa mga panghitabo sa Kapitolyo nagtuo nga modako ang isyu kabahin nila ni Gobernador Davide ug Bise Gobernador Magpale. Dunay mga pangagpas nga mao ni rason nga magkaatbang sila sa sunod piliay.
Apan ang mga supporter ni Davide ug Magpale dili gusto nga mahitabo nga sila unya nag magkaatbang sa sunod piliay. Dunay panahom nga kon mawala si Magpale sa ilang pundok maglisod og daug si Davide.
u25cf ● ●
WAY PUS! Gihatagan ko sa Smart Communication og Samsung J7 sa akong retention. Dunay 12 ka buwan nga warranty ang cellphone gikan niadtong Disyembre 2016. Akong gigamit ang cellphone niadtong Agosto 2017 lang.
Unya niadtong buntag sa Nobiyembre 3 kalit lang nga napawong. Akong gidala dayon sa Smart ug gihatagan ko sa sertipiko nga ubos pa sa warranty didto sa Samsung service center sud sa Ayala.Apan gibalibaran ko nga di sila moayo kay dili covered sa warranty.
Wa na lang makigdiskote sa empleyadong’ babaye kay wa man siyay mahimo kay igo ra man siya motuman sa mando sa management. Ang pangutana, unsay gamit sa warranty kon di sila moayo sa depikto?