Nag-amok gipatay sa pulis

DRUG surrenderer namatay human nag-amok nakigpinusilay sa mga pulis sa miaging kaadlawon sa Sitio Sambag, Brgy. Tumog, lungsod sa Carmen, Cebu.

Si Junsiel Awing, 35, minyo, dead-on-arrival (DOA) sa tambalanan human nakaangkog samad pinusilan sa dughan ug paa.

Si Chief Insp. Christian Torres, hepe sa Carmen Police Station nga nahinabi sa Superbalita Cebu, nagkanayon nga makaduha ka mga higa­yon nga gialarma si Awing human nangayo og panabang si Elenita Roble, 45, minyo.

Nagpatabang si Roble pinaagi sa text kay gihulga sila ni Awing nga pamatyon uban sa iyang anak.

Si Awing nagbitbit sa iyang paltik nga .38 kalibreng revol­ver nga miadto sa balay sa mga Roble.

Sa pag-abot sa mga pulis, daling nisibat si Awing.

Si Torres nibutyag nga gipabalik niya ang iyang mga sakop nga nagsakay sa patrol sa bukid sa maong dapit.

Apan hilom silang nagbilin sa laing personnel nga nagmotorsiklo duol sa lugar sanglit bukid kini, layo, aron maoy moresponde kon mobalik si Awing.

Tuod man, si Awing nitinuod sa iyang bahad nga balikon si Roble ug ang iyang pamilya.

Nakarespondi dayon ang mga pulis apan si Awing diretsong namusil hinungdan nga nabawsan sa iyang mga sakop ug naigo sa duha ka mga paa ingon man sa dughan.

Ang motibo ni Awing wa pa matino sa kapulisan nganong iyang gisulong ang mga Roble.

“Ang sulti-sulti sa mga par­yente nila didto kana daw ang biktima (Roble) ug suspek naa daw ni relasyon,” dugang ni Torres.

Apan si Roble hugtanong nanghimakak sa mikatap nga estorya.

Gipadayag niya nga si Awing ra siguro maoy nahibawo nga uyab sila ug siya wa masayod.

Giingong kanunay nga magmaoy si Awing ug adto manghasi sa balay ni Roble.

Gibutyag ni Torres nga si Awing usa mga drugs user surrenderer sa lungsud og makausa lang ka higayon nitambong sa com­munity-based treatment.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph