NAGPATALA sa kapulisan sa Talomo Police Station ang usa ka saleslady human gihuboan ang ilang display nga Mannequin alas 9 sa buntag niadtong Dominggo didto sa 2nd Floor sa Centerpoint Mall, Matina Crossing, siyudad sa Davao.
Ang nagpatala mao si Raquel Landanganon, saleslady, kinsa nagbutyag nga dako iyang kabalaka basin siya ang mapasanginlan kung asa na ang sinina sa gisuot sa ilang Mannequin.
Human sa pagpa-blotter ilang gisubay ang kuha sa closed-circuit television (CCTV) camera sa gym area sa 2nd floor sa Centerpoint ug ilang nakita ang usa ka lalaki.
Nakita sa CCTV nga alas 5:49 sa hapon niadtong Sabado, usa ka lalaki kinsa regular nga kustomer sa gym sa Centerpoint ang mihubo sa sinina sa Mannequin.
Ala 1:10 sa hapon, Dominggo, pinaagi sa in-charge sa gym nailhan ang maong lalaki kinsa maoy mikuha sa sanina ug napatawag na ang atensyon niini aron papanubagon sa iyang gihimo. (JPC)