AMAHAN ug anak niini nga babaye ang nangasikop human nakuhaan og binultong drugas sa buy bust operation kagahapon sa alas 4:20 sa kadlawon sa A. Lopez St., Brgy. Labangon, dakbayan sa Sugbu.

Si Edwin Zafra, 50, gipusasan sa mga ahente sa PDEA7 uban sa iyang anak nga si Julia Nicole, 20, 2nd year college sa kursong Customs sa usa ka unibersidad sa dakbayan sa Sugbo.

Ang amahan nakuhaan og tulo ka bulto samtang ang anak, nasakmitan usab og usa ka bulto sa possession niini. Ang mga ahente sa PDEA7 mipalit kang Edwin og usa ka bultong drugas nga mobalor sa P36 mil gamit ang budol money.

Ang drugas gibanabanang mobalor sa P144 mil.

Si Edwin, wa na moha­tag og komentaryo sa iyang pagkasikop gawas lang sa pagsulti nga nagnegosyo siya og manok para tari.

Sa monitoring sa PDEA giingong dunay source si Zafra sa drugas nga naa sa bilangoan.

Samtang usa ka ulitawo nga bag-uhay lang nakagawas sa kaso sa drugas nadakpan pagbalik sa PDEA7 kagahapon sa alas 3:00 sa kadlawon sa Lower Pakigne, Minglanilla.

Nakuha gikan kang Arnel Villanueva, 25, ang unom ka ka bultong shabu nga mobalor sa P216 mil ka pesos.

Si Villanueva, nadakpan sa mga ahente sa PDEA7 niadtong Oktubre sa miaging buwan tungod sa paghupot sa ginadiling drugas human maka bail namaligyag balik. (GPL)