DEAR Heartline,
Maayong adlaw. Tawaga lang ko sa pangalan nga Brenda, 28-years old ug diri ko karon sa Digos nagtrabaho.
Mangayo lang ko sa imong opinyon aning lalaki nga na-involve sa akoa karon.
Sa una sweet-sweetan pa kaayo ni siya, text-text mi. Ginakilig gyud ko niya. Pero sa kalit lang gyud nausab siya. Iyang text dili na sweet, basta lahi ra gyud. Unsa man gyud ni, motuo pa kaha ko ani niya?
Brenda
***
Hi Brenda,
Mas maayo gani na nga sayo pa, naawop na dayon ang spark diba. Siguro, nakahuna-huna siya nga dili diay ikaw ang iyang gipangita.
Sa giingon nga getting to know pa mo, then diha nimo makita kung unsa ba gyud ka seryoso o pursigido ang usa ka tawo kanimo.
Kalma lang, ayaw lang gud ikasakit sa imong dughan ang nahitabo. Make it a venue to explore more ug mas may mahimamat ka pang daghang indibidwal nga mo-swak gyud kanimo.
Ayaw lang sab pagdali, just take it easy, moabot ra gyud ng para nimo. Enjoy lang sa pagka-single =)
Heartline