GISUNOG sa drayber ang motorela sa wala masuta nga hinungdan mga alas 9 sa gabii niadtong Lunes, Nobyembre 6, sa Macapagal road, Barangay Carmen, dakbayan sa Cagayan de Oro.

Nagpatala ang biktima nga si Sussete Talle, 46, minyo ug residente sa Zone-12, Zayas Landfill, Carmen ug gireklamo si Jundrey Gabia, 36, taga 12th-21st Street, Upper Nazareth ning dakbayan.

Sa impormasiyon nga nahipos gikan sa kapolisan sa Police Station 4 (PS4) sa Carmen, gikabutyag nga hubog si Gabia kinsa maoy nag-abang motorela nga misunog niini.

Giingong wala masayod si Talle sa hinungdan kung nganong nahimo sa drayber nga tuyoon sa pagsunog ang motorela.

Gibana-bana ni Talle kinsa mao’y tag-iya nga moabot sa P200 mil ang damyos human nga giingong dili na gayud magamit kon totally damage na ang maong motorsiklo.

Gi-respondehan usab dayon sa tinugyanan sa Bureau of Fire and Protection ang insidente.

Ang insidente ang nakatala na sa buhatan sa kapolisan alang sa tukmang disposasiyon samtang si Talle ang padayon pa nga gipangita kinsa daling nisibat human sa panghitabo.