MOKABAT sa 200 ka mga magparehistro matag adlaw ang target karon sa Cagayan de Oro City Commission on Elections (Comelec) pagsugod sa registration niadtong adlaw'ng Lunes sa dakbayan sa Cagayan de Oro.

Gibutyag ni Atty. Ramil Actub, city election officer, nga niadtong Lunes, Nobyembre 6, gatus lamang kapin ang nagparehistro lakip na sa Sangguniang Kabataan (SK).

Giklaro sab niini nga wala silay satellite registration sa kasamtangan ug tanan nga magparehistro dawaton sa ilang buhatan mismo.

Sa pagkakaron, wala pa usab mga priority number.

Nanawagan kini sa katawhan nga wala pay rehistro ug buot mobalhin nga bukas ilang buhatan kanunay ning panahona sa pagdawat kanila ug dili na paabuton ang katapusang adlaw sa rehistro aron malikay sa pagpunsisok sa mga tao.

Kahinumduman nga gioktaba ang barangay ug SK election gikatakdang mahinayon karong bulan sa Mayo tuig 2018.