GARBO sa Dabawenyo nga subling nominado sa Presidential Award alang sa Child-Friendly Municipalities and Cities (PACFMC).
Si Davao City Social Services and Development Office Chief Maria Luisa Bermudo nagbutyag nga ang kahimtang sa kabataan ang usa sa mga nag-unang gitan-aw sa lokal nga kagamhanan ning dakbayan sa maong agenda.
“This is an affirmation of our efforts to stop child abuse and promote the rights of children at all time," ingon ni Bermudo.
Kahinumdoman nga tuig 1998, 1999, 2013, 2014 ug 2015 midaug ang Davao City sa maong programa.
Ang Iloilo City, Baguio City ug Paranaque City ang kaatbang karon sa Davao City sa maong kompetisyon.
“Davao has always been at the forefront when it comes to establishing programs for children,” dugang ni Bermudo.
Usa sa ma mabasihan niini mao ang programa sa dakbayan sa Davao nga Kean Gabriel Hotline, diin mokabat nga sa 483 ka mga bata ang na-rescue pinaagi sa Kean Gabriel Hotline 09088184444.
Naa sab ang Quick Response Team for Children’s Concern (QRTCC) nga nadisenyo sa pag-rescue, pag-imbestiga, ug pagdokumento sa mga kaso sa sexual, exploitation, ug mga nahitabong krimen nga gikalambigitan sa kabataan.