KASLUNON diay sunod buwan ang gipatay nga si PO1 Mae Sasing ngadto sa iyang live-in partner nga nagbase sa lalawigan sa Palawan.
Handumon nalang ni Marvin Locsin, kapuyo sa pulisnga usa ka seaman, ang mga higayon nga iya kining naka-uban sanglit inay mopaso sa altar sa kaminyuon, i-martsa ang lawas sa iyang kapuyo ngadto sa iyang lubnganan.
Nagbunga ang gugma sa duruha sa dihang nakabaton sila og bugtong anak babaye nga si Veinna Gwyneth nga nag-edad og 7 anyos.
Ang maong kalambuan sa diha usa sa mga igsuon sa gipatay nakahisgot ngadto ni Lapu-Lapu City Mayor Paz Radaza sa dihang personal kining miduaw sa haya sa Barangay Jugan, lungsod sa Consolacion, Cebu sa miaging semana.
Si Sasing nadestino sa City Public Safety Company sa Lapu-Lapu City Police Office.
Ang kapulisan sa Lapu-Lapu ug Mandaue City diin nahitabo ang pagbanhig sa 31 anyos nga pulis sa barangay Basak ang nag-alayon alang sa dali nga kasulbaran sa maong krimen.
Si Radaza nagkanayon nga igo lang siya nga mihatag og personal niya nga financial aid nga wa hinuon niya ibutyag kon pila.
Ang pulis gikatakda nga ilubong karong Nobiyembre 12 sa Memorial Garden sa lungsod sa Lilo-an. (FVQ)