MAS dako ang buhis sa Vic Enterprises ngadto sa local government sa Mandaue City kon itandi sa kagamhanang local sa dakbayan sa Sugbo.

Si Mayor Tomas Osmeña, kinsa buot nga masirado ang hardware company, nagkanayon nga P1 milyon ang gibayad nga buhis para sa Cebu City samtang P5 mil­yones ang nadawat sa siyudad ni Mayor Luigi Quisumbing.

Ang Superbalita Cebu niduaw sa Vic Enterprises sa ba­rangay Mabolo apan ang guard on duty nagkanayon nga walay makatubag sa pa­ngutana sanglit ang ilang ka­dagkuan adunay meeting nga gipahigayon.

Apan iyang giklaro nga dili kini maoy opisyal nga rason nganong iyang patak-opan ang maong kompaniya.

“We wanted them to move out, they can move somewhere else . I don’t care but not there (in Mabolo) grabe gyud ang damage,” dugang sa mayor. (PAC)