NAGPA-BLOTTER sa kapolisan ang usa ka lalaki human wala niini gikalipay ang komento sa usa ka user sa iyang gi-post sa iyang social media account nga Facebook sa lungsod sa Tagoloan, Misamis Oriental.

Ang biktima nga giilang si Roger (bansagon gitago), 24, ulitawo, taga Villagracia, susamang lungsod ang mireklamo sa iyang silingan nga giilang si Virgie (bansagon gitago) silingan lang sa biktima.

Saysay ni Roger sa kapolisan sa Tagoloan Police Station nga nag-post siya og iyang hulagway sa Facebook kuyog ang iyang binuhi nga iro apan kining Virgie ang mikomento sa iyang post.

“Dili maglayo imong dagway sa imong iro,” kini ang tipik sa komento sa iyang post nga gisundan pa og “liwat niya ang dagway sa iro.” Hinungdan sa labihan nga kaulit ni Roger rason nagpa-blotter kini sa buhatan sa kapolisan.

Ang kaso karon giduso ngadto sa Barangay Lupon ning panahona aron mapatawag ang duha ka parte ug maestoryahan kini nga problema.

Tambag sa kapolisan sa katawhan nga likayan ang pagkoment og dili maayo sa social media aron dili maghinungdan sa kagubot.