WA mosalir ang apelyido ni Bianca Manalo sa iyang pag-apil sa Ms. Universe kay nag -Tagalog man god ni ug wa masabti sa mga hurado.
Pero ang angga ni Teresita Ssen Marquez nisalir gyud, Wynwyn gud, di win gyud.
Bitaw ang pagdaug ni Wynwyn isip Reina Hispanoamericana 2017 samtang si Karen Ibasco (Ms. Earth 2017), Nelda Ibe (Ms. Globe 2017 1st runner-up) ug Elizabeth Clenci (Ms. Grand Int’l. 2017 2nd runner-up) nipasamot sa dungog sa Pilipinas isip beauty powerhouse.
u25cf ● ●
Layo sa buhilaman ko sa karong panahona kini tungod kay mas taas nga panahon ang akong gigugol sa akong lungsod nga natawhan tungod sa usa ka proyekto.
Ni-apologize na ko daan sa promo diva nga si Josie Pereyra nga di ko makasaksi sa cinema tour nila ni Kim Chiu ug Matteo Guidicelli alang sa The Ghost Bride adtong Nobiyembre 2.
Sige lang. Mo-bounce back ra ko inig kahuman ning proyektoha ug basin makatambong na ko kon madayon ang pagbisita sa Cebu ni Megastar Sharon Cuneta sa di madugay. Atangi!
u25cf ● ●
Tungod kay mobisita man gyud ko sa lubong sa akong amahan sa Danao City bisan lapas na ang kalagkalag, nihapit na lang sab ko sa bag-ong gi-ablihan nga Fuel Fusion Kitchen + Restaurant.
Nakugang ang mga tag-iya nga si Suba Brgy. Kapitan Jongkie ug Madam Ramonette Durano-Mahinay nga nikalit lang kog tunga kuyog ni Shirley Ecarma (didto na daan sa Fuel ang iyang bana ug akong pag-umangkon nga si Joel) mora lag wa ko mobiyahe og duol unom ka oras adtong adlawa.
Nindot ang Fuel sa may Sands Gateway dako ang lugar, limpyo, maayog serbisyo ug mahigalaon ang mga staff. Mga tugtog sa dekada 80 gitokar sa deejay nga niresulta sa singot ug kutas.
Pwes! Nahurot ang kapin sa usa ka bucket nga bugnawng beer. Uhaw god humag sayaw. Anà!
u25cf ● ●
Kalit lang nisikat ang pulong nga ‘aneurysm’ tungod sa pagkamatay ni Isabel Granada (mga pahasubo sa iyang pamilya ug mga magdadayeg). Ang uban morag napraning kay nagduda nga duna sila aning sakita base sa mga nabasa nga mga sinyales.
Ayaw mog buot buot dihag tomar og tambal uy! Pakonsulta sa doktor kon may pagduda ka. Anà ra gyud!