UNOM ka mga tubod ang nadiskubrihan sa Mandaue City Environment and Natural Resources Office (CENRO) sa sapa sa Butuanon sa tabang sa mga residente ning tuiga.
Apan sa unom, usa lang niini ang luwas gamiton sa pagpanghugas ug pangkaligo. Matod ni Arch. Aracelli Barlam, pangulo sa CENRO nga di luwas imnon ang maong mga tubig sanglit kontaminado sa hugaw ug colliform ang mga tubig gikan sa tubod.
Gani, usa sa mga tubod mobugwak ug yellow nga kolor sa tubig.
Bugtong ang tubod nga nadiskubrehan sa Alang-alang ang mahimong magamit pangligo ug panglaba apan di kini pwede pangluto ug pang-inom, matod ni Barlam.
Nasuta ning mantalaan gikan ni Barlam nga nagpatabang sila sa MCWD alang sa pag-sampling sa kalidad sa tubig sa mga tubod nga nadiskubrihan didto sa Tabok ug Ibabao- Estancia.
"At this point lang gyud Sir is to tag it, gi-tag nato siya para naay awareness para to put ripraps or walls, di siya ma clogged o matabunan. Information drive lang sa amo gipahibaw aron mahibaw-an sa katawhan,” ni Barlam sa dihang gipangutana ning mantalaan sa ilang gihimo aron molambo ang kalidad sa tubig," dugang ni Barlam.
Paambit ni Barlam nga nakuha nila ang mga impormasyon sa mga residente sa nagkadaiyang barangay nga naagian sa sapa.
Dugang niya nga gipahibalo na sab nila niini ang Department of Environment and Natural Resources (DENR) 7 aron matun-an ug maprotihian ang gigikanan sa mga tubig sa suba.
Sumala ni Barlam nga di mahimong makuhaan ug source sa tubig ang mga tubod nunot sa problema sa “salt water intrusion” sa Mandaue.
Ang Butuanona rive nahimong sentro sa pagkabana sa kalikupan sa dakbayan. (JPP)