GIBUTYAG sa Simbahang Katoliko ning dakbayan sa Cagayan de Oro nga kinahanglan pa ang daghang konsiderasyon ang gika-report nga tugutang magpari ang usa ka minyo o kasado.
Kini human gibutyag sa Santo Papa Pope Francis mikonsidera sa planong tugotan ang minyo nga mga lalaki nga ordinahan isip Catholic priests sa mga remote areas sa laing nasud.
Si Monsignor Rey Monsanto, consultor sa Archiodeces sa Cagayan de Oro ug kura paruko sa San Isidro Labrador Church sa Kauswagan, namahayag nga kinahanglan pa kining debatihan ug adunay ikonsidera hilabina aminadong duna gyod mga lugar nga kulang og pari.
Gani kining mga minyo nga pari existing na kini sa uban dapit apan kini sila mga kanhi ministro ug dili basta bastang ordinaryong tao lamang.
Samtang kini nga hisgotanan miani usab og daghang reaksyon sa mga netizen tungod kay daw ang mga pari respetado ug niagi og labihan ka daghan nga proseso usa naordinahan isip pari nga magsilbi sa simbahan ug sa Diyos ug unta idili gayud ang minyo.