TACLOBAN CITY - Duha ka binilanggo ang nakapuga gikan sa Tacloban City Police Office (TCPO).
Gipangita mao sila si Mark Paul Grabillo, 25, taga Barangay 62-A, Sagkahan, Tacloban ug Rogelio Lao, 29, taga Barangay 36, Sabang, Tacloban.
Base sa imbestigasyon, misampit si Lao sa jailer nga si PO3 Mark Bardillon kay naglisud siyag ginhawa.
Gipagawas kini sa jailer sa may lobby aron makahingos og presko nga hangin diin giubanan ni Grabillo.
Kalit nga gipugngan ni Grabillo ang pulis ug midagan si Lao dayun abli sa gate pagawas samtang gitukmod ni Grabillo ang pulis ug misunod pagdagan. (JKDP)