Pagbansay bahin sa seguridad sa Mactan airport ipahigayon karon

AYAW kabalaka kon unsay nahitabo sa aiport karon, drama lang kini.

Ang Mactan Cebu International Airport (MCIA) sa dakbayan sa Lapu-Lapu mohimo og simulation exercise (Simex) diin hijacking ang scenario.

Usa kini sa pagbansay sa posible nga hijacking sa usa sa mga abyon nga motugpa Mactan airport ug dunay mock fire scene sa runway 22 human pagkahagsa sa usa ka abyon nga sa nahagsa ug nagkayo.

Sa maong paagi masuta ang katakos sa fire and rescue team sa MCIA sa pagpawong sa kayo ug pagluwas sa mga natanggong nga pasahero.

Ang PNP Aviation Security Group maoy mangulo sa Simex nga magbansaybansay sa mga epektibong paagi sa alang sa counter hijacking ope­ration.

Matod pa ni SPO4 Lee Ma­rinduque sa Avsegroup nga dako og matampo ang maong simulaton exercise ilabi na nga gipalapdan ang terminal sa MCIA kansang soft opening mahitabo sa buwan sa Hunyo sunod tuig.

Mga pasahero ug kawani sa tugpahanan ang pahibaw-on sa maong Simex aron dili magkaguliyang sa pagtuo nga adunay terorista nga nang hijack ingon man tinuoray nga sunog nga niulbo tumoy sa runway sa Mactan aiport. (FVQ)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph