SECTIONS
Saturday, April 20, 2019

Roy Ucat ug Akiko Solon, Magbuwag ta Kay: The making

SA interbyu pa lang, daghan na ang nakilig nila. Unsa pa kaha sa pelikula? Ang social media sensation ug “hugot” king Rowell “Roy” Ucat (Medyo Maldito) ug Akiko Solon (kanhi ABS-CBN’s Star Power finalist) sa title role nga si “Kay” ang mga bida sa romantic-comedy-drama ug Cebuano film, “Magbuwag Ta Kay” nga gi-produce sa Heritage Productions sa direksyon nilang RJ Aquino ug Janice Perez ug sinulat sa poet ug singer-songwriter Therese Villarante ug music producer Jude Gitamondoc. Dunay special premiere night karong November 30, 2017 sa Cinema 8 sa SM City Cebu. Ang regular showing sa Enero 2018. Ug isip sampol sa ilang mga pasiaw ug kon giunsa nila paghimo ang pelikula, nia ang akong interbyu nila. Roy ug Akiko, Ssssuper Ka!

Rowell “Roy” Ucat

Pila ka adlaw ninyo gihimo ang pelikula?

12 days, pag-June this year. Pero dili siya straight, putol-putol.

Based on true-to-life experience ni siya?

Oo, naay part… based daw sa akong personal experience (laughs). Daghan maka-relate ani kay bahin ni sa break-up, naa sad siyay family values. Plus makita dinhi ang scenery sa Cebu, sama sa Mactan, Busay ug Dumanjug, where we shot some of the scenes.

Pero gihimo ni wala pa mo nagbuwag sa imong uyab?

Wala pa… ambot bitaw maorag na-pre-empt na man nila nga magbuwag mi.

Kanus-a mo nagbuwag?

Bag-o ra gyud kaayo. Karon, nilupad na siya sa gawas sa (Republic of) Maldives.

Dugay mo ato?

Pinaka-latest nakong girlfriend niabot mi og 6 months.

Daghan diay ka’g mga ex?

One at a time. Ika-6 to nako siya nga girlfriend.

Basin si Akiko Solon imong meant to be?

Dili na puwede kay taken na siya. Pero duna mi kissing scene. (laughs)

Giunsa man ka pagpili sa lead role?

Tungod tingali kay daghan ko’g followers sa social media. Nagsugod og kusog akong page mga August, 2015. I co-wrote the song, “Haha-Hasula” (with Jude Gitamondoc), July, the next year. I also co-wrote “Atik Ra.” Hopefully, makahimo pa mi og bag-ong kanta aron ma-insert namo sa movie.

Unsay preparation nimo sa wala pa ang shooting?

Since it’s my first acting project, ni-undergo ko og acting workshop with UP professor, Ligaya Rabago, nga mao say nidala nga akong mama sa pelikula.

What if mo-hit ang movie unya kuhaon ka sa Manila?

Open ra man ko sa tanang possibilities. Kon unsay opportunity moabot, dawaton.

Akiko Solon

Giunsa ka pagpili isip leading lady ni Roy?

Iya kong giingnan nga mo-try sa audition. Pero wa ko kahibawo nga lead role diay. Pasalamat ko ni Roy kay siya gyud ang reason ngano nakuha ko ani nga project.

Naa man daw moy kissing scene?

Oo, ingon bitaw siya, “Boo, mo-back out na ka?” Boo man among tawganay. “Ha? Ngano diay?” tubag nako. Ingon siya, “naa may kissing scene.” Ako siyang giingnan, “Di man gud na rason para mo-back out.”

Pila ka take inyong kissing scene?

Wala jud ko kahibawo pila ka takes, maorag more than (24 shots) pa man siguro kay usa ra man gud ka camera, unya daghan angles.

Kahibawo imong boyfriend nga naa moy kissing scene?

Wa siyay mahimo. Bisan di siya mosugot wa siyay mahimo kay buhaton man gihapon nako ang movie kay worth baya siya.

Taga-asa imong uyab?

Taga-Cebu pero nag-work siya karon sa Abu Dhabi. Maayo ra pud. Charot! Months pa lang mi. Puwede pa (mailog). Hain na si Roy? Charot! (laughs)

Ingon si Roy wa nay chance ma-develop kay taken na ka?

Ma-hurt bitaw na siya kay sa akong cellphone ang wallpaper ang akong uyab man ug ako. Ingon siya, “unsa man na uy, ilisi gud na imong wallpaper, ako imong kuyog.” Mao giilisan lang sad nako. “Naa ra sir o, okay na sir.”

Kumusta ang inyong shooting?

Happy ko kay gaan ra siya, dili makasapot. Everybody is really working hard for this movie. Loaded with fun and entertainment. Ma-proud ka kay Cebuano film. It’s a must-see gyud kay it’s a breakthrough sa industry.
style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!