XU, Pagadian sa unang round sa Tagum Invitational

DAVAO CITY -- Maagbat sa Xavier University (XU) Crusaders ang Pagadian JH sa unang round pag-abli sa ning tuig nga Philippine Collegiate Champions League Mindanao Finals, diin pagadulaon tanan sa Astar Gymnasium.

Pormal giabli ang mga dula alas-4 sa hapon Martes ug naa sa ika-duhang dula ang panagsangka sa Crusaders ug Pagadian sa ning pagsulat.

Matod ni XU coach Rocky Calingin, dili nila kumpyansaon sa kinsa ilang maagbat.

“This is thr Mindanao finals and we cannot afford to take anyone lightly,” ingon ni Calingin, kinsa gitratar niya ang PCCL Mindanao Finals isip unang out-of-town nga dula.

Gulangkoban ang Crusaders nila Aaron Joshua Abadines, Earl Vincent Areola, Dandulo Baang, Peter Christian Dandulo, Peter Christian Bajuyo, Ino Cabrezos, John Michael Lunar ug Chezter Jan Maagad.

Naa sab sila Alchie Manosa, Kent Jordan Paquit, Dario Calixto Piatti, France Jericho Rafisuram Andre Joshua Sabal, Dann Jason Tubo, Van Laurence Tindoy ug John Rey Manatad.

Gipakugang sa XU-Cagayan de Oro Team ang John Paul College agi sa 94-88 nga daug atol 2017 Tagum City Invitational Basketball Tournament niadtong Martes sa gabie sa Tagum, Davao del Norte.

Nabyaan ang XU-CdeO og kapin 20 puntos second quarter, apan kalit lang namugnaw ang Pagadian sa kataposang half.

Bangis nikamanang ang XU-CdeO agi pagkumboya nila Joel Sollano ug Manatad aron maputol ang dakong biya sa third quarter ug nabalik ang dula sa uno.

Gikana ana, ang buylo nipabor og samot sa XU ug nisirit ang Crusaders ngadto sa kadaogan.

Masangka sunod sa XU ang Jose Maria College sa Davao.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph