NATALA sa Office of the Ombudsman in Mindanao's (OMB-Min) Field investigation Unit (FIU) ang 718 ka mga gisang-at nga kaso gikan Enero hangtud Oktubre 31 karong tuiga.
Ang datos nga nakuha gikan sa Ombudsman nagkanayon nga sa kinatibuk-ang kaso sa FIU, 351 niini nakaung-ong niadtong 2016 ug 367 mao ang mga kaso nga nadawat sukad niadtong Oktubre 2017.
Ang yunit nakahimo sa pagresolba sa 185 ka kaso sa 718 workload, 55 niini girekomenda alang sa pagdoket ngadto sa regular nga kaso sa Ombudsman.
Sa maong mga rekomendasyon, ang 27 ka tawo nga nalambigit mao ang mga tag-as nga opisyal, samtang laing 28 mao ang mga yanong mga opisyal.
Ang FIU, nga duna lay 12 ka imbestigador, nakahimo sa pagpaubos sa gidaghanon sa kaso niadtong 2016 gikan sa 351 ngadto sa 226 o 36 porsiyento. Gidugang ang 533 nga mga nakaung-ong nga kaso sukad pa Oktubre 31, duna pay 759 ka kaso nahabilin aron nga imbestigahan.
Ang FIU migunit sab og kinatibuk-ang 21 ka kasong naglambigit sa Priority Development Assistance Fund (PDAF), kon diin upat niini natapos na.
Kon ang administrative sanctions di na mapatuman, ang Office of the Ombudsman magkonbirter sa silot niini ngadto sa multa nga equivalent ngadto sa suweldo sa akusado.
Ang OMB-Min nakakolekta og P1,372,907 nga multa gikan sa mga akusado sukad Oktubre 2017.
Ang pagkalangay nga way saktong hinungdan sa paglihok sa bisan unsang referral nga gihimo sa Ombudsman mahimong hinungdan alang sa administrative action batok sa opisyal o empleyado kon diin ang referrals gitubag ug gilangkuban og graft offense nga masilotan og multa nga di molapas og P5,000.