ANIA koy nadawat nga suwat sa usa ka Ormocanon isip reaksiyon sa pamahayag sa “kanhi laos nga pulitiko” kabahin niadtong iyang pagbakwi sa hinabang alang sa Ormoc City nga naigo sa linog niining tuiga. Sa iyang pamahayag morag iya man god nga gitunglo ang taga Ormoc pinaagi sa pag-ingon nga “until the next disaster and until the next mayor”. Ato lang itago ang ngalan sa nagsuwat.
“Miingon si Mayor Tomas Osmeña ngadto sa media nga ‘I don’t want to drag the issue. We will help them but after the next disaster. Apparently, it’s not important to them.’ Mayor Osmeña sir, kon di gyud nimo ipadayon ang donasyon para sa Ormoc City, ayaw na lang sab tawon tungluha ang mga Ormocanon. We have been struck with several calamities and we never dreamed of having another one.
“Ormocanon would never ‘tunglo’ the very good constituents of Cebu City kay dili lalim, Mayor Osmeña, nga maigo og mga kalamidad. Kon mao na na ang imong desisyon, then so be it. We don’t need your negative statement that you will help us in the next disaster. Wala mi mangandoy anang sunod nga disaster. Daghan na among naagian diri sa Ormoc apan wala kini nakapusgay sa among pagbarug.
“Mayor Osmeña among iampo nga ang Sugbo ug ang imong pamilya nga unta dili makahiagum og susamang kalamidad nga nasinati sa mga malig-unong Ormocanon. Magpadayong mapasalamaton ang mga Ormocanons sa mga hinabang nga nadawat gikan sa dakbayan ug probinsiya sa Sugbo. Dili kana makalimtan sa mga Ormocanon hangtod sa hangtod, mayor.’
Again, we strongly condemn your statement or your dream for the next disaster to happen in Ormoc. But we are forever grateful to Cebu City for all the assistance that it has provided to Ormoc in the previous years and up to the present.’”
(Mao na diha gumikan sa kayabag aning tawhana nga magpataka na lang og sulti. Kon dili ihatag ang hinabang, dili god. Pero dili lang unta pakapinan og sakit nga estorya). (bobbygnalzaro@gmail.com)