NAG-UNANG nagmaneho sa paspas nga paglambo sa ekonomiya sa Sugbo mao ang IT o information technology.
Kini ang unod sa pamahayag ni Dr. Rowena Christina L. Guevara, Undersecretary for Reseach and Development sa Department of Science and Technology (DOST) atol sa unang Philippine Technology Business Incubator (TBI) Summit sa University of the Philippines Cebu niadtong Huwebes, Nobyembre 23.
“In Cebu your main economic driver here is IT daming buildings for BPO’s and because Cebu concentrated there and quite successor dami nilang napapagraduate. Sila lang yung aming incubator na nagtayo ng sariling satellite incubator doon sa SRP campus. Hindi sila humihingi ng pera sa DOST nagtayo sila mag-isa doon,” matod ni Guevara.
Usa kini sa mga hinungdan nga gipahigayon sa Sugbo ang unang nasudnong panagpundok sa teknolohiya sa nasud ug mga nagsugod nga mga magdudula sa teknolohiya aron sa pagsuhid sa mga outstanding nga entrepreneurial ug mga innovating nga isyu.
Ang programa gigtumong sa pagmugna og mga trabaho, pagpalambo sa mga negosyante ug pagpalambo sa public-private partnership samtang nagmugna og dugang nga panginahanglan alang sa siyensya, teknolohiya, ug industriya.
Gidumala kini sa Innovation Council for Industry, Energy and Emerging Technology Research and Development (PCIEERD) sa pagpanaghiusa sa University of the Philippines Cebu Campus, UP Cebu inIT ug TechTalks.ph.
Ang TBI gihulkod sa duha ka adlaw nga mga sisyon sa edukasyon, mga diskusyon sa grupo, networking, ug mga workshop alang sa mga nagsalmot nga mga incubator ug uban pang mga stakeholders aron makatabang sa pagpataas sa ilang potensyal sa pagmugna og trabaho ug pamuhunan.
Maglakip usab ang TBI Summit sa paglunsad sa Higher Education Institution Readiness for Innovation and Technopreneurship (HeIRIT) nga nagtinguha paghatag og plataporma alang sa pagpausbaw sa kabag-ohan ug entrepreneurial nga pagtubo.
Ang TBI dili lang mga tinun-an sa kolehiyo ug unibersidad apan naglakip sa pribadong grupo o inibiduwal ug kini gikatakda nga pagahimuon usab sa ubang sentro nga bahin sa nasod. (Michelle Anne R. Obor ug Mary Diane B. Salasayo, USJR Comm interns)