Ms. U 2017 adunay kausaban

MANILA – Nahibawo nako nga aduna nay napili ang Miss Universe 2017 organization sa mga molangkob sa Top 15.

Sila ang nag-predetermine niini (dili ang judges sa mismong pageant) kay sa miagi nilang pre-pageant activities sama sa swimsuit, evening gown, closed door interview ug uban pa, gi-iskoran na sila.

Pero mamahimong Top 16 tungod kay iapil niini ang kandidata nga nangharos sa internet busa diin ang atong manok nga si  Rachel Peters nakigkupugay  although morag mas taas gyud ang votes ni Ms. Thailand pero aduna pay pipila ka adlaw, ato nang itodo ang atong 100 percent nga pagsuporta kang Rachel ilabi na kadtong adunay Twitter account.

Kon ma-determine na ang Top 16, maglalaban-laban sila sa  swimsuit competition diin mokuha  og Top 10. So, kining Top 10, magtigi naman sa gown ug dinhi mokuha og Top 5.

So sa limang nakuha, sila ang maglaban-laban sa Q and A portion.

Sa Top 5 dinhi mokuha og Top 3 nga maoy mo-advance  to plead their case at the final word and to sashay sa ilang final look.

Sa tulo sila nay magtigi alang sa Miss U title, first runner-up ug second runner-up.

Medyo may kausaban pero mas madali siguro ang ingon niani.

Sa laing bahin, may mga nasud nga karon pa lang sukad na sukad nagpadala og contestant sa Miss Universe (nga pang-66th ng baya ni ) og kini mao ang Cambodia, Laos ug Nepal (puro Asian countries huh).

Pero may mga nasud naman nga wala mosalmot karong tuiga  (although last year present sila ) ug kini mao ang  Belize, Denmark, Hungary , Kenya, Kosovo, Sierra Leone ug Switzerland.     

Pero sa kasaysayan kuno sa Miss Universe  karong tuiga ang may pinakadaghang misalmot at 92 tungod kay ang mga nasud nga wa mosalmot last year this year namalik og sila mao ang Egypt, El Salvador, Ethiopia, Ghana, Iraq, Ireland , Lebanon, Saint Lucia, Trinidad and Tobago ug Zambia.

Ang Miss Universe 2017  finals sa  November 26  na pero malantaw nato kini sa Pilipinas sa  November 27 sa buntag (Lunes) ug ipahigayon kini  sa The Axis at Planet Hollywood , Las Vegas, Nevada.

Ang reigning Miss Universe (na parang di ko masyadong ramdam ang kanyang reign huh) mao  si Iris Mittenaere of France nga dire sa Pilipinas gikoronahan last year.

Ang kontrobersiyal nga si Steve mao pa gihapon ang gikuhang host, kauban si Ashley Graham ug ang performers naman sila si Fergie ug  Rachel Platten samtang si Carson Kressley ang magko-commentary kauban  si Lu Sierra.