P300,000 sa makatudlo sa killer ni Imok

NAG-AMOT-AMOT og kwarta ang mga kaalyado ni Ermita Barangay Kapitan Felicisimo “Imok” Rupinta sa pulitika alang sa dinaliang kasulbaran sa pagpatay kaniya.

Si Bise Mayor Edgardo Labella nagkanayon nga nagkahiusa silang kanhi mayor Michael Rama ug mga konsehal nga sakop sa ilang partido aron madasig paggawas ang mga saksi.

“Nagkasabot mi sa among pundok kaming mga konsehal nga nag-amot-amot mi balor og P300,000 isip reward kon si kinsa kadtong makatabang pagsulbad sa maong kaso,” padayag ni Labella.

Ang bise mayor ug si Konsehal Joel Garganera niawhag sa kapulisan ug sa National Bureau of Investigation (NBI) sa pagpalawom sa imbestigasyon aron mahibaw-an ang nagpusil patay ug mastermind uban sa pag-awhag sa mga lumolupyo sa Ermita sa pagkalma sanglit sa kauwahian molutaw ra ang kamatuoran.

Si Kapitan Ramil Ayuman sa Barangay Apas niingon “ kami sa ABC maisugon nga mosulong sa pagkab-ot sa hustisya sa kamatayon ni kap Rupinta. Di ni makapahadlok namong mga kapitan sa pagtuman sa among trabaho.”

No reward

Kon si Mayor Tomas Osmeña mohatag dayon og reward alang sa dinaliang kasulbaran sa krimen, bugnaw siya sa kaso ni Rupinta.

“No reward money. Let the police give the reward money,” padayag sa mayor.

Si Osmeña nitanyag kaniadto og reward sa makasulti kon si kinsa ang nipusil sa usa ka nurse atol sa road rage sa Barangay Kamputhaw niadtong Marso 19 diin ang suspect mao si David Lim Jr.

Si Osmeña nagkanayon nga sama sa kinabag-an, nasurpresa usab siya sa hitabo sanglit niadtong higayona, nagtan-aw siya sa concert ni Jose Mari Chan dihang nibuto ang balita.

“You know, people are looking at me because I’m an enemy so I don’t like to say anything because whatever I will say, they say I’m trying to tweak the direction but it could be any motive.” Pasabot sa mayor.

Mosusi

Usa ka special Investigation task group giumol sa Police sa Regional Office 7 human mi­mando si Chief Supt. Jose Mario Espino.

Nimando si Espino sa labing dali nga pagsulbad sa kaso.

Matod ni Sr. Supt. Jonathan Cabal, hepe sa Regional Intelligence Division (RID) 7 nga wa pa silay lead apan dako ang iyang pagtuo nga sa mosunod nga mga adlaw dunay resulta sa ilang imbestigasyon sanglit aduna silay mga saksi sa hitabo.

Adunay gihimong follow up operation ang mga police nga gitahasan nga mohimo sa imbestigasyon sa norte sa lalawigan sa Sugbo apan wa motug-an si Cabal kon aduna na ba silay gisundan nga mga suspek.

Ang live in partner ni kapitan Rupinta nga kauban niya sa sakyanan mitug-an nga duha ra ka tawo nga nagtagsa og motorsiklo ang mibanhig kanila nga gihulagway nga mga professional gun for hire.

“Mayron pa tayong hot pursuit operation at we cannot simply divulge yung development as of this time, and RD is on top of this situation and he ordered us to solve the case immediately,” matod ni Cabal.

Daghang anggulo ilang suba­yon, usa ang iyang trabaho isip kapitan ug mga kontrobersiya sa barangay Ermita ning nanglabay nga mga adlaw sama sa isyu sa mga manindahay sa Carbon.

Wa nila wad-a ang posiblidad nga may kalabutan ang illegal nga drugas sa iyang barangay kay sa nanglabay nga mga buwan duna siyay programa nga nag ila sa mga balay nga di tiggamitan sa illegal nga drugas.
style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph