ANG Minadanao-based marketing company naglunsad ning bulana sa ilang bag-ong organic agricultural product aron palambuon ang kalidad sa kinabuhi sa mga mag-uuma sa isla.
Ang launching sa organic product gihimo uban sa tinguha nga maghatag og dugang opsyon sa mag-uuma nga mogamit sa organic soil conditioner ug kabahin sa implementasyon sa ilang misyon sa pagdoble sa kita sa mga mag-uuma sa tuig 2022.
“Our product, Kings Grow Organic Soil Conditioner, underwent series of experiments for months now in our demo farm in Kapatagan in Davao del Sur to ensure that the quality and effectiveness of the product is 100 percent," si Kengie Alvior, marketing consultant, nagkanayon ngadto sa Agrivet Store owners sa ilang panagtigum niadtong Nobyembre 6, sa ilang buhatan sa Davao City.
Ang KAMM, KBA AdPro and Media Management naglusad og sunod-sunod nga meetings sa mga distributors sa Mindanao aron maseguro nga mapalit ang produkto sa merkado.
"Kings Grow will be available in Agrivet Stores in Mindanao at affordable price," suma ni Alvior.
Siya midugang nga ang produkto gipaila sa mga mag-uuma pinaagi sa ilang programa sa radyo sa Davao Region ug pipila ka parte sa Mindanao.
Si Alvior nagkanayon nga ang Kings Grow nga mapalit sa merkado magtugot sa mag-uuma nga mapahimuslan ang benepisyo sa paggamit sa produkto nga dunay dakong kantidad nga mahibalik sa ilang gibubo nga puhonan.
Siya mipasabot nga ang produkto nga ilang gipromotar sa merkado usa ka natural soil conditioner, organic fertilizer, plant growth stimulant, ug root booster.
Ang produkto usa ka mineral-based soil conditioner nga magtabang sa pagwagtang sa acidity sa yuta nga resulta sa sobrang paggamti sa artipisyal nga abono.
"I highly recommend Kings Grow Soil Conditioner because this product promotes development of good soil structure, increases soil water holding capacity, increases soil ability to retain nutrients, stimulates seed germination, reduces the use of fertilizer to 40-50 percent, and the most interesting is the increase of crop yeilds," suma ni Alvior.
Siya usab nagdasig sa mag-uuma nga maminaw sa mga lokal nga istasyon sa radyo diin ilang kompany dunay programa nga nagtinguha sa pag-eduka sa mga mag-uuma. (JOS)