ANG National Commission on Indigenous Peoples (NCIP)-Davao nagbutyag nga dunay 918,110 ektaryang luna ang nahatagan na og certificates of ancestral domain titles (CADT) sa buwan sa Oktubre 20 ning tuiga.
Ang Datos nga nakuha gikan sa NCIP-Davao nagbutyag nga ang certified ancestral domain areas sa Davao City gibaba-bana sa 131,003 ektaryas; 162,315 ektaryas sa Davao del Sur province; 117,687 ektaryas sa Davao del Norte; 207,182 ektaryas sa Davao Oriental; ug 299,923 ektaryas sa Compostela Valley.
Ang commission nagtinguha nga ang ancestral domain areas nga maaplayan og CADT ang 160,000 ektaryas sa Davao City, 265,00 ektaryas sa Davao del Sur, 131,500 ektaryas sa Davao del Norte, 352,480 ektaryas sa Davao Oriental, ug 333,600 ektaryas Compostela Valley.
Mga benepisyaryo nga miaplay sa ancestral domain titles mao ang Mandaya, Ata-Manobo tribe, Obu-Manuvu tribe, Bagobo-Klata, Sama tribe, Ata tribe, Mangguangan tribe, Bagobo-Tagawa tribe, B’laan, B’laan-Manubo tribe, Kalagan, Kagan ug Tagakaolo tribe.
Ang Indigenous Cultural Communities/Indigenous Peoples (ICCs/IPs) nga ang ancestral domains opisyal na nga nahatag ug naila sa NCIP mahatagan og CADT sa ngalan sa komunidad.
Ang NCIP-Davao unang naglunsad sa Philippine Indigenous Peoples Ethnographies (Pipes) program, nga nagtinguha nga mapanindot ang rekursos nga makatabang sa Indigenous Cultural Communities sa tibuok nasud.
Si NCIP-Davao regional director Geroncio Aguio nagkanayon nga ang programa nag-unang proyekto sa komisyon, nga nagpunting sa pagpalapad sa aktibidad nga nagmando sa komisyon.
Ang direktor nagkanayon nga ang Pipes gidebelop isip tubag sa direktriba ni Pangulong Rodrigo Duterte nga ang ancestral domains himuon alang sa rights-based developments sa mga lumad. (ICT)