NAGKADUOL na ang Pasko. Apan dili lang mga party ang atong masinati kay sa pagbalik sa Metro Manila Film Festival, balik usab ang mga entry sa komersyal films.
Malipay na sad ang publiko kay makita na sad nilag balik ang mga pelikula nilang Vic Sotto, Vice Ganda ug uban pa.
Lakip sa “Magic 8” ang “Ang Panday” ni Carlo J. Caparas nga gibituonan ni Coco Martin. Mao kini ang unang directorial job ni Rodel Nacianceno sa tinuod nga pangan. Modernong panday ang atong makita dinhi sama sa motor nga gisakyan ni Flavio ug dili na kabayo sa iyang pakigbatok sa mga kontra. Ang pelikula hatud kanato sa Star Cinema ug CCM production.
Laing Star Cinema entry ug Viva films “Gandarrappido: The Revenger Squad” superhero flick sa direksyon ni Bb. Joyce Bernal, silang Daniel Padilla, Pia Wurtzbach ug Vice Ganda ang bida.
Gikan sa TEN17P ni direk Paul Soriano ang “Siargao” love triangle nila ni Erich Gonzales, Jericho Rosales ug Jasmin Curtis Smith. Makita sad dinhi ang maanindot nga Siargao.
“Ang Larawan” sa Culturtain, base kini sa play sa atong National Artist for Literature Nick Joaquin “A portrait for the artist as Filipino.” Usa ka musical movie nga gi-set sa Intramuros wala pa ang World War II mahitungod sa duha ka magsuon Joanna Ampil ug Rachel Alejandro, ug ang border nga si Paulo Avelino.
Samtang horror ang pambato sa Regal Films gikan sa direktor nga naghatud kanato sa “Mano Po 7: Chinoy” ni Ian Loreños. Karon “Haunted Forest” nga gibituonan nilang Hashtag member Jon Lucas ug Jameson Blake kapartner silang Maris Racal ug Jane Oineza.
Ang “All of You” sa Quantum Films ug MJM Production mao ang reunion movie nilang Derek Ramsay ug Jennylyn Mercado human niadtong malampuson nilang pelikula nga “English Only Please” nga nanghakot og daghang award, karon kining romantic comedy nila ubos sa direksyon ni Dan Villegas.
Human sa pila ka tuig mag-uban og balik sa big screen silang Vic Sotto ug Dawn Zulueta nga nahimong magpartner sa “Okay Ka Fairy Ko” niadtong 1995. Si Chris Martinez ang direktor nila sa “Meant To Beh” sa Octoarts Films, Mzet Production ug APT Entertainment.
Naa sad ang “Deadma Walking” base sa Palanca award winning script ni Eric Cabahug, ang tinood nga managhigalang Edgar Allan Guzman ug Joross Gamboa ang bida sa comedy movie. Kini tanan atong atangan ug malipayong Pasko kanatong tanan! Ay’g saba!