MAKALULUOY nga gihimong guinea pigs o suwayan sa pagtuon sa resulta sa tambal ang minilyon ka mga bata nga Filipino. Walay puangod ang responsable sa pagpatuman sa programa. Unsay nakasilaw kanila sa tanyag sa Sanofi?
Mao kini ang mosantop sa atong hunahunan kon nuntan ang pamahayag sa Sanofi Pasteur, tighimo sa kontrobersiyal nga bakona sa dengue nga Dengvaxia, ug ang mga isyu sa pagsugod sa multi-billion peso nga programa sa bakona sa mga bata batok sa dengue fever.
Shot-dili pa diay kadto? Pamalandong nato sa tiggama nga nabutyag nga sektro nga sama sa kabahin pa sa pagtuon ang pagpagwas sa bakona sa merkado. Kon maayo ang resulta sa bata nga gihimong guinea pigs, ang produkto ipadayon. Apan kon negatibo ang resulta, sama sa nahitabo karon, dili ipadayon.
Ang isyu nagtumaw na sa sinugdanan pa ubos sa hugot nga pagsupak sa Strategic Advisory Group of Experts on Immunization (SAGE) sa World Health Organization (WHO).
Sumala sa usa ka artikulo, napulo lang ka mga nasod gikan sa third world countries, gawas sa Singapore, ningsagop sa Dengvaxia nga naglakip sa Mexico, Pilipinas, Brazil, El Salvador, Costa Rica, Paraguay, Guatemala, Peru, Indonesia ug Thailand. Bisan ang France diin nagbase sa Sanofi Pateur ug mga nasod sa Uropa wala mosagop sa bakona.
Kini mga timailhan maghatag og giya bisan sa yanong molupyo sa paghukom. Busa dakong tulubagon sa responsable niini sa Plipinas nga masubay sa liderato ni kanhi Deparment of Health (DOH) Secretary Janette Garin niadtong Abril 2016 ubos sa pagtugot ni kanhi Presidente Benigno Aquino III sa P3.5-billion dengue vaccine program.
Bisan asa ipahid nila ni Garin ug Aquino ang kasaypanan, ang responsilidad mosumbalik kanila. Angayan nga mag-una sila sa imbestigasyon. Hustisya sa inosenteng bata.