‘Takbo Para sa Presinto Dos’ ipahigayon karong Dominggo

TARGET nga maabot sa 5,000 ang mopartisipar sa "Takbo Para sa Presinto Dos" nga gi-organisa sa San Pedro Police Station (PS) 2 ning siyudad sa Davao sa Dominggo, Disyembre 10, alas 5:30 sa buntag nga magsugod ug mahuman sa People's Park.

Kini ang unang higayon nga gihimo sa maong istasyon aron makatigum og kuwarta aron makapalambo sa ilang opisina pinaagi sa pag-install og CCTV ug dash camera sa tanang Mobile Patrol nga makapadugang og protekta sa kapulisan ug mahatagan og uniporme ang mga estudyante iskolar sa PS2.

"There are many projects in our station but kini first time nahitabo sa amo ug sa 1 to 12 station. Naa mi 30 students sa DCPO (Davao City Police Office) na gusto namo mahatagan na sila uniform. Every Sunday ang ilang klase," pahayag ni PSI Arcadio De Dios sa Dep. for OPN/PCR Police Station 2 atol sa Davao Sportswriter Association (DSA) Forum didto sa B3 NCCC Mall Davao kagahapong adlawa.

Samtang bahin ni PO2 Jecyl Mae Pabingit, "Kinahanglan sab og improvement sa station kay karon kahibalo ta nga ginabombahan na (station) para mas effective ang crime prevention nga importante kaayo."

Dugang ni Pabingit kinsa giubanan nila PO1 Rojemar Estocomen ug PO1 Sarah Magdalene nga dunay duha ka kategorya 3k ug 5k sa lalaki ug babaye dibisyon diin magtuyok ang 3k sa Gmall samtang as Victoria Plaza ang 5k.

Ang tulo manguna makadawat og P2,000, P1,000 ug P750 sa 3k samtang P3,000, P2,000 ug P1,000 sa 5k.

Alang sa mga interesado, mamahimo magpalista sa San Pedro Police Station sa kantidad P200 alang sa mga estudyante ug P250 sa hamtong nga maglakip na sa singlet, race bib ug snacks.

Dugang ni De Dios, gilauman nga modagan si DCPO Director Senior Supt. Alexander Tagum ug mga pipila ka kapulisan sa tanang istasyon ug mga estudyante gikan sa University of Mindanao ug Rizal Memorial Colleges.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph