LIBUAN ka mga tawo ang misuporta sa "Biyaya ng Pagbabago" launching nga gihimo kagahapon sa hapon didto sa Veterans Memorial Park sa dalang C. Bangoy, siyudad sa Davao.
Ang launching gipangulohan ni Cabinet Secretary Lencio Evasco, Jr. nga gitambongan sa nagkadaiyang ahensya sa nasyunal nga gobyerno.
Kompleto ang suporta ug presensya sa mga representante sa mga ahensya sama sa Cooperative Development Authority (CDA), National Anti-Poverty Commission (NAPC), National Commission on Indigenous Peoples (NCIP), National Commission on Muslim Filipinos (NCMF), National Food Authority (NFA), National Irrigation Administration (NIA), Philippine Coconut Authority (PCA), Presidential Commission for the Urban Poor (PCUP), Philippine Commission on Women (PCW) ug Technical Education Skills and Development Authority (TESDA).
Gawas mga representante ug opisyal sa maong mga ahensya, mitambong usab ang pipila ka mga grupo nga nagduso sa Pederalismo sa ubang mga lugar sa nasud.
Ang Biyaya ng Pagbabago Caravan gisugdan sa Ifugao niadtong Disyembre 1, 2017.
Sa suwat pahayag ni Evasco, siya nagpasalamat sa katawhan nga misuporta sa Biyaya ng Pagbabago nga maoy gidamgo sa 106 milyones nga Pilipino.