42 nanglugos gihipos

GIDAKOP ang 42-anyos nga lalake human kini giingong nanglugos sa 16-anyos nga babaye sa usa ka barangay sa lungsod sa Tabogon, Sugbo niadtong Sabado sa kaadlawon.

Nasayran usab sa imbestigasyon sa kapulisan nga adunay kasaysayan ang suspek human usab kini giingong niunay og lugos sa iyang kaugalingong anak apan wa mosang-at og kaso ang iyang pamilya.

Si Erik (tinuod nga pangan gipugpangan sa pagpanalipod sa anak nga gilugos niini) mag-atubang og kasong kalapasan sa Republic Act 7610 kun Special Protection of Children Against Abuse, Exploitation and Discrimination Act.

Sa pakisusi sa kapulisan, hubog si Erik dihang nahitabo ang insidente alas 12:30 sa kaadlawon sa Sabado.

Nasayran nga ang biktima nga si Elena (pangan gipug­ngan) nitambong sa disco nga gipahigayon sa basketball co­urt ug nagpakuyog kini sa iyang lalake nga higala aron mangihi sa kalibunan.

Giingon nga nagbarog layo sa giihian ni Elena iyang amigo ug kalit lang gisumbag ang biktima ni Erik ug gidala kini 120 metros gikan sa giihian niini.

Wa na makaangal si Elena tungod kay gitionan siya niini og kutsilyo.

Gisultihan niya iyang higala sa panghitabo ug ilaha kining gi-report dayon sa kapulisan.

Sa hot pursuit operation, nasikop ang gituhoang rapist human ikaduhang kining higayon nga iyang gibuhat.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph