‘Legal help’ mas maayo kay sa P50,000: Garcia

INAY mohatag og P50,000 isip legal assistance alang sa kapulisan nga makapatay og kriminal, sugyot ni Kon­sehal Raymond Garcia nga moumol na lang unta og legal team si Cebu City Mayor Tomas Osmeña aron motabang sa kapulisan sa dakbayan kon mag-atubang og kaso.

Bisan pa man sa mga pagsaway nga nadawat ni Osmeña, ipa­dayon gihapon niya ang pag­hatag og P50,000 nga legal assistance sa pulis sa Cebu City nga makapatay og kriminal sam­tang naghimo sa ilang trabaho.

Si Konsehal Joel Garganera sa Team Rama kinsa chairman sa Po­­lice Advisory Council sa Siyudad mihangop sa plano sa mayor.

Dugang niya nga angay lang nga tabangan ang kapulisan mahitungod sa legal problems tungod kay usahay ang mga pulis magpanuko sa paghimo sa ilang trabaho hilabi na kon dagkong mga tawo o mga adunahan ang ilang mabangga.

Gitataw ni Garganera nga makatabang ang P50,000, apan gihimug-atan niini nga di na kinahanglan pa dunay rekisitos aron ma-release ang maong kantidad sama niining makapatay og kriminal.

Si Garcia, sa iyang bahin, nag­kanayon nga kon ang in­­ten­­siyon sa mayor mao ang pag­tabang sa kapulisan sa legal problem, inay mohatag og P50,000 nganong dili nalang moumol og special team sa mga abogado ang Siyudad aron pagtubag niining mga insidente nga makiha ang mga pulis kay nakapusil samtang on-duty.

Gihulagway ni Garcia ang ma­ong kantidad nga di paigo aron pagbayad sa serbisyo sa abogado nga kuhaon hilabi na kon criminal case kay mas lisod.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph