Barrita: Presyo sa patay nga kriminal

NITANYAG si Cebu Ci­­ty Mayor Tomas Osme­ña nga mohatag og P50,000 sa matag pulis nga makapatay og kriminal isip legal assistance.

Legal assistance ba kini o mao kini ang presyo alang kaniya sa matag kriminal nga mapatay sa atong kapulisan?

Ang legal assistance nagpasabot nga tabang kon ikiha ang usa ka pulis. Legal assistance gihapon bisan way kaso nga gipasaka batok sa pulis nga nakapatay og kriminal?

u25cf ● ●

Si Commission on Human Rights (CHR) 7 Director Arvin Odron niingon nga mamahimong maabusahan ang financial assistance ni Osmeña.

Matod pa niya nga di tu­ngod kay gihatagan og ka­tungod ang kapulisan nga mohupot og armas, anaa na usab kini katungod nga mopatay og tawo.

“Authority to use a firearm under circumstances when there is imminent danger should not be equated as to constitute a “license to kill” on the part of our law enforcement. The PNP’s mandate is simply to subdue the suspect and thereafter effect the arrest,” matod ni Odron.

u25cf ● ●

Mao kini ang nakanindot sa CHR. Sigi lang ni sila og monitor sa kapulisan.

Matod pa ni Odron, “With these, the CHR will continue to monitor as we always do on every policing that results to the death of the suspect and recommend the filing of a case should there be finding of abuse. The giving of financial assistance might lead to abuses and short cuts which we ought to prevent.”

Ambot kon nakamonitor ba ni sila sa dihang uso pa ang vigilante killings sa syudad sa Sugbo ug duna ba kahay kaso nga ilang napasaka sa hukmanan.

u25cf ● ●

Apan gihangop sa kapulisan ang tanyag ni Mayor Osmeña kay way abogado ang kapulisan nga molaban kanila kon pasakaan silag kaso samtang nagtuman sa ilang trabaho.

Matod pa ni Supt. Artemio Ricabo, deputy city di­rector for administration sa Cebu City Police Office, ang legal assistance makapada­sig kanila.

“It is a great help for us especially when we seek legal remedies for our police officers facing charges during operations,” matod pa ni Ricabo.