TAGBILARAN CITY - Giseguro sa Department of Education (DepEd) nga way estudyante sa Bohol nga nabakunahan og Dengvaxia.
Matud ni Provincial Schools Division Superintendent Wilfreda Bongalos nga gisusi og maayo sa DepEd ang ilang records ug natinong way estudyante sa Bohol ang nahatagan sa maong immunization program sa gobyerno.
Gidugang ni Bongalos nga DOH nakig-koordinar kaniadto sa DepEd-Bohol alang unta sa maong anti-dengue vaccination campaign apan wa pa niabot ang Dengvaxia nga mga bakuna.
Si Provincial Health Officer Reymoses Cabagnot nikumpirmar nga way niabot niini sa Bohol. (PIA)