USA sa pinaka-grabe sa problema sa trapiko mao kanang diha sa Tabunok, Talisay. Anha maghuot diha ang mga sakyanan nga mo-agi sa national highway paingon sa south ug labi na gyud kanang ubos sa flyover gumikan anang mga walay disiplina nga trisikad ug tricycle drivers. Pun-an pa anang naninda diha sa daplin sa karsada.
Kanang Tabunok mao kana ang sentro sa ekonomiya sa dakbayan sa Talisay. Naa diha ang daghang commercial establishments kon itandi sa ubang lugar bisan sa Poblacion. Ug gumikan lagi kay naa man diha ang economic activity sama sa merkado publiko, natural lang anha magpunsisok o magtapok ang katawhan.
Ania koy nadawat nga suwat gikan sa mga concerned Talisaynon nga gi-addressed ngadto ni Talisay City Mayor Eduardo Gullas ug gipadad-an kita og kopya. Kabahin kini sa grabeng problema sa trapiko sa Tabunok.
Dear Mayor Gullas,
u2018Palihug sulbara ang problema sa traffic sa Tabunok kay more than six months na kini. Kaming mga yanong katawhan nga walay experience sa traffic management but we can easily pinpoint the root cause of the problem.’
1) ‘Kay apeki man ang mga dalan unya nag-digging man sa drainage sa kilid, wala na untay magparking nga tricycle, trisikad or single motorcyle o mga sakyanan sa kilid kay huot na kaayo ang dalan.’
2) ‘Wala na untay magtinda sa kilid sa kalsada. 3) Ang CCTODA modawat diay kuno og tag-20 ngadto sa 50 pesos kon mo-parking sa kilid sa kalsada sa nagkagubot nga traffic sa Tabunok maoy hinungdan nga misamot ang problema.’
4) ‘Mas maayo kon mo-transfer ka og abang sa Lagtang para kada adlaw nimo makita ang problema. Para kada adlaw kang saputon sa daghang walay bout sa dalan apil na ang nga traffic enforcers nga naay gipaboran tungod sa ilang kahangol sa kuwarta. Nahibalo gyud unta ka ning maong problema kay sentro kaayo kini sa Talisay. 5)’Dili kana angayan nga mahadlok sa mga tricycle, habal-habal ug trisikad drivers nga imong mga botante kay wala nay makapilde nimo kay wala na si JVR.
(Maayo unta ma-aksiyonan na ni Eddiegul. BGN) (bobbygnalzaro@gmail.com)