GENERAL SANTOS CITY - Si Philippine Sports Commission (PSC) chairman William "Butch" Ramirez ang keynote speaker sa pagbukas sa PSC-Pacquiao Amateur Boxing Cup sa Robinson's Place kagahapong adlawa.
Matud ni Ramirez nga ang General Santos City leg mahimong "inagaural launch" sa joint grassroots boxing program sa PSC ug Senator Manny Pacquiao sa koordinasyon uban ang Philippine Sports Institute (PSI) ug Amateur Boxing Alliances in the Philippines (Abap).
Sila Ramirez ug Pacquiao, sa bag-ohay nga press conference sa Manila, parehong taas og paglaum sa boksing nga makauli og unang bulawang medalya sa Olympics.
Ang PSC-Pacquiao Amateur Boxing Cup target nga makadiskubre og amateur boxing talents sa nasud diin mao kini ang direktiba ni President Rodrigo R. Duterte nga kinahanglan sa tibuok nasud madala ang grassroots sports.
"The PSC, through the PSI, is focused on grassroots sports although PSI is also helping elite athletes in their high performance training with PSI national training director Marc Edward Velasco spearheading the special ops for the Tokyo 2020 Olympics," ni Ramirez sa milabay bulan ngaannual assessment uban ang PSI coordinators sa PhilSports Complex.
Ang qualifying rounds himuon gikan Disyembre 16 hangtud Abril 7 sa nagkalain-laing lugar.
Ang preliminary ipahigayon sa Abril 14 ug 15 sa Mandaluyong City samtang ang quarterfinals sa Abril 21 and 22 sa Bohol sunod tuig.
Ang Tagum City sa Davao del Norte ang mag-host sa semifinals sa Abril 28 una mobalik ang programa sa General Santos City alang sa finals sa Mayo 5, 2018.
Ang National champions may oportunidad nga maapil sa training sa national team o developmental pool.
Samtang si General Santos City Sangguniang Panlungsod (SP) member Alberto D. Pacquiao ang misugat sa mga partisipante sa opening rites samtang si Mayor Ronnel C. Rivera mihatag og mensahe sa pagsuporta sa programa.
Si ASBC 2015 best boxer Criz Sander Laurente ang nangulo sa oath of sportsmanship.
Anaa si Senator Manny Pacquiao nga mitan-aw sa mga duwa sa duha ka adlaw nga kompetisyon. (PR)