MOPAHIGAYON og community consultation ang Davao City Advisory Committee for Peace and Development didto sa Paquibato District karong adlawa.
Kini ang gibutyag ni Atty. Elisa Lapiña, ang Committee spokesperson DC-Peace diha sa ilang inisyal nga lakang sa konseho ning siyudad human temporaryong nawagtang ang localized peace talks.
Human sab sa pagdeklara ni Pangulong Rodrigo Duterte nga mga terorista ang New People's Army (NPA), gilayong giwagtang ni Davao City Mayor Sara Duterte-Carpio ang localized peace talks, apan dunay mga konsiderasyon.
Gibutyag ni Lapiña nga dunay lima ka mga barangay sa Paquibato District ang ilang tapukon karong adlawa aron hisgutan ang mga nag-unang problema.
“The participants are identified per barangay, every barangay there will be five people,” sulti ni Lapiña kinsa nagpasabot sab nga buot ni Mayor Sara nga mahisgutan ang tubag sa mga problema sa kabukiran.
Gilangkuban ang DC-Peace sa mga heads sa mga hintungdang ahensya sa lokal nga kagamhanan ning siyudad sama sa City Social Services and Developement Office.