Nalzaro: Mga tambaloslos sa Kapitolyo

MAKA-INGON ko nga may pagkabaga og nawong kini si Provincial Disaster Risk Reduction and Ma­nagement Office (PDRRMO) chief Baltazar Tribunalo. Hangtod karon wala pa maka-presentar sa mga dokumento kabahin sa nag-donate og mga appliances diha sa iyang buhatan.

Duha ka aircon units ug usa ka dakong flat TV screen ang gi-deliver sa buhatan ni Tribunalo sa Kapitolyo pipila ka buwan na ang nakalabay. Unta ang maong mga appliances adto i-deliver sa iyang panimalay sa Balamban. Ang maong mga appliances matod pa gikan sa usa ka negosyante og sand and gravel. Si Tribunalo nahimong officer-in-charge sa Provincial Environment and Natural Resources Office (Penro). Klaro nga adunay conflict of interest.

Miangkon si Tribunalo nga nakadawat siya sa maong mga appliances apan dili kadto iya personal. Naa kuno gigamit sa iyang buhatan sa Kapitolyo ug ang usa ka unit sa aircon toa kuno sa hospital sa Balamban.

Ako siyang gihagit nga ibutyag ang pangalan sa donor ug ang acknowledgement receipt. Apan hangtod karon wala pa siya maka-presentar.

Ang iyang rason kay dili siya buot maangin ang donor sa kontrobersiya. Sus, pagkamabaw sa rason. Nganong mahadlok man siya kon walay anomaliya sa maong transaksiyon? Mas maayo gani nga ibutyag niya ang pangalan sa donor aron atong mapasalamatan. Kana kon walay anomaliya. Nahadlok si Tribunalo nga ibutyag ang donor kay mapasakaan man siya og kasong graft and corruption kay klaro man nga ang donor ana aduna may interes sa sand and gravel business nga ubos sa Penro.

Naa say Gov. Hilario Davide III nga nagsige og dupa-dupa anang Tribunalo sa iyang mga tinunto. Nagpa-goryo-goryo man lang ni si Gov. Davide. Sobra mang bilib aning Tribunalo. Wala gani makabadlong anang ubang mga department heads nga nakahimo og anomaliya ug immoral nga binuhatan. Sus, mga baga og nawong.

(bobbygnalzaro@gmail.com)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph