Super Suroy: Heritage church anaa sa Miagao

TUNGOD sa kalapad sa Simbahang Katoliko sa nasod, mahinungdanon alang sa mga Katoliko ang gidugayon sa usa ka simbahan.

Nag-inusara nga giila sa Uni­ted Nations Educational, Scientific and Cultural Organization (Unesco) ang Santo Tomas de Villanueva Church sa Miagao, Iloilo isip heritage site nga Baroque Church sa Visayas.

Ang laing tulo anaa sa Luzon diin naglangkob kini sa San Agustin Church sa Paoay, Ilocos Norte; Nuestra Señora de la Asuncion sa Santa Maria, Ilocos Sur; ug Immaculate Conception of San Agustin sa Intramuros Manila.

Giisip kini nga heritage site sa Unesco tungod kay nagpabilin ang orihinal nga hitsura niini sukad pa niadtong 16th century ubos sa Spanish Colonial period sa nasod, diin mao ang nagdala sa relihiyong Katoliko sa nasod.

Tuig 1993, dihang gilakip sa Unescoang Miagao Church isip usa sa upat ka Baroque Churches sa Pilipinas nga he­ritage site.

Matod ni Noel Narida, tourism staff sa Miagao Tourism Office nga 1787 dihang gitukod ang simbahan.

Karong tuiga anaa na kini sa 230 ka tuig ang pangedaron.

Ug bisan paman sa nanglabay nga panahon, ingon man kalamidad susama sa World War II niadtong 1940-1944 ug sa linog niadtong 1948 apan wa kini makapatay-og sa simbahan.

Tuig 1973 dihang gi-restore ang kisame niini ug ang kantahanan sa choir nga kaniadto ginama sa tabla lakip na ang sawog niini.

Kon mobisita ka sa simbahan nga way misa, makabantay ka nga sira atubangang bahin niini.

Pasabot ni Narida nga kini aron mapreserbar ang kadugay niini ingon man seguridad.

Gibutyag niini nga ang tableau niini 70 porsiyento ginama sa pure gold samtang ang imahen sa Sacred Heart of Jesus ug Mary, ginama sa pure nga silver.

Gawas niini sagad sa imahen niini, mga orihinal.

Daghan usab magpakasal sa simbahan tungod sa 80 metros nga lakwan niini una maabot sa altar.

Gawas sa ilang santos nga si Santo Tomas de Villanueva makabantay usab ka og Sr. Sto. Niño di lang sa mga santos sa tableau apan lakip na sa facade sa gawas nga bahin.

Mahinungdanon usab ang kahulogan niini tungod kay gawas sa lubi, bayabas, kapayas ug miagos plant, makita nga batang Hesus nga gidala ni St. Christopher.

“When Niño Hesus requested it ‘pwede ba buhaton mo ako papuntang sa kabila ng ilog?’ Because he was a very small boy. Then he carry Jesus then he cross over, at the middle Jesus became heavier and heavier.”

“And he said, who are you, then Jesus replied, don’t depend your strength on yourself, depend your strength on God.”

Didto na nakaingon si St. Christopher og “My lord and my God.”

Kon gikan ka sa Iloilo City, maabot nimo ang Miagao Church kapin sa oras.

Naay jeep nga mamahimo nimong masakyan gikan sa siyudad.

Kon gikan ka og Sugbo, moa­bot sa duha ka oras kini gikan sa Iloilo International Airport.
style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">



style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="4158864647">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph