SECTIONS
Monday, August 26, 2019

2800 pakyas sa pag-uli

NAKABIYAHE na og balik karong adlawa ang mga barko, fastcraft ug ubang sakyanan sa kadagatan human nalibkas na sa Philippine Atmospheric, Geophysical and Astronomical Services Administration ang Tropical Cyclone Warning Signal sa Cebu, Bohol ug ubang bahin sa Kabisay-an ug Mindanao gumikan sa bagyong Vinta.

Si Commander Jerome Cayabyab, pangu sa Coast Guard Station Cebu, nibutyag nga niabot og 59 ka pasaheroan nga mga barko ug fastcraft ug 168 ka rolling cargoes ang wa makabiyahe tungod sa dautang panahon.

Kinatibuk-ang 2,809 ka mga pasahero ang nalangay ang mga biyahe gumikan sa kan­selasyon sa mga biyahe sa kadagatan.

Ang ihap gikan sa lainlaing mga pantalan sa Sugbo sama sa Hagnaya, San Remigio; Polambato, Bogo City; Tabuelan; Bantayan; Danao; Consuelo, San Francisco, Camotes; siyudad sa Sugbo ug uban pa.

Mibalik sa agi

Pasado sa alas 8 kagaha­pon sa buntag, nibiyahe ang Oceanjet gikan sa Cebu padulong sa Ormoc City apan gisugat sa dagkong mga bawod.

Tungod niini, nibalik kini sa dakbayan sa Sugbo.

Usa sa mga pasahero nga si Nello Lowangco nagtrabaho sa Cebu nga plano unta mouli sa Leyte para didto magsaulog sa Pasko kauban ang pamilya.

Matod ni Lowangco nga siya ug kaubanan nangahadlok og maayo sa biyahe.

Apan tungod sa Bagyong Vinta, nalangay ang iyang pag-uli, apil na ang liboan ka mga pasahero.

Tungod sa kadagko sa mga bawod, gihakop sila sa kahadlok, apan nagpalasamat sila nga nibalik ang Oceanjet sa agi.

Kagahapon, gikanselar sa Oceanjet ang mga biyahe sa Cebu-Ormoc, Ormoc-Cebu, Cebu-Tagbilaran, Tagbilaran-Cebu ug Cebu-Camotes.

Eroplano

Samtang 30 ka flights ang gipangkansilar usab ang mga biyahe gikan sa Mactan Cebu International Airport.

Sa ihap, 16 ka flights sa Cebu Pacific samtang 14 sa Air Philippines. Ang nakansilar nga mga biyahe paingon sa Cagayan De Oro, Ozamis, Butuan, Surigao, Siargao, Camiguin ug Tandag.

Bus

Mga pasahero sa Cebu South Bus Terminal nga paingon sa Zamboanga, Bacolod ug Dumaguete City, nangatanggong human nga wa tugoti sa tagdumala sa pasilidad nga makabiyahe.

Kini subay usab sa gikanselar nga biyahe sa mga sakyanan sa kadagatan paingon sa maong mga dapit, sa habagatang bahin sa Sugbo.

Sigun sa CSBT, mas maayong magpabilin sila sa terminal inay nga magtapok sa pantalan ug didto mangatanggong.

Sugod niadtong Huwebes, wa nay bus paingon sa Dumaguete, Bacolod ug Zamboanga City nga gitugotan nga makabiya sa CSBT.

Ang maong mga bus ikarga og barge paingon sa ilang mga destinasyon apan tungod kay kanselado ang biyahe sa mga sakyanan sa kadagatan, dili ra gihapon sila makatabok.

Ang bagyong Vinta kay nagkahinay nahimo nang tro­pical depression nga nagdala sa hangin nga may gikusgon nga 60 ka kilometros matag takna duol sa iyang sentro ug pag-unos nga moabot ngadto sa 90 ka kilometros matag oras samtang nag-irog sa direksyon nga kasadpan sa gikusgon nga 20 ka kilometros matag oras.

Kini nakatugpa sa yuta sa Cateel, Davao Oriental ala 1:45 kagahapon sa kaadlawon ug naa sa Zamboanga Del Sur sa pagkutlo ning balita.

Sumala ni Baltazar Tribunalo, pangu sa Provincial Disaster Risk Reduction and Ma­nagement Office (PDRRMO), way nadawat nga taho nga insidente sa kadaot ang ilang buhatan kabahin sa bagyo.

Apan gialerto nila ang mga local government unit ug mga molupyo labi na sa mga dapit nga delikado sa pagdahili sa yuta ug flashfloods.

Si Tribunalo nidasig sa mga LGU ug local DRRMO nga gamiton ang mga mapa nga giapud-apod nga nag-ila sa mga dapit nga peligro sa kalamidad.

“Dili ko kasabot nganong dili i-maximize ang mapa sa mga LGU,” dugang niini.

Tinguha nila nga way cas­ual­ty sa lalawigan sa maong bagyo.

“Dili ta mahadlok sa hangin, ang tubig atong kahadlokan,” sumala ni Tribunalo.

Sa Liloan Port sa lungsod sa Santander, dunay gibanabanang 500 ka mga pasahero ang nangatanggong ug gihatagan og food packs.

Sa lungsod sa Oslob, dunay 46 ka lokal nga mga turista, unom niini mga bata ug walo ka langyaw nga mga turista, usa bata ang wa makatabok gikan sa isla sa Sumilon paingon sa mainland gumikan sa bagyo.
style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">



style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="4158864647">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph