SECTIONS
Monday, September 23, 2019

Albor: Tuig sa iro ug pista Señor

MOTALIKOD na ang Year of the Rooster 2017 ug himamaton ang pagtikang sa Year of the Dog 2018.

Ang iro mopaghot ug mouwang timaan nga tawhanong kaabin sa panimalay. Simbolo sa pagka-maunongon, bu­o­tan, mahigalaon, matinud-anon, abtik, may tumong ug tugob sa responsibilidad. Peb. 16 saulogon ang Chinese New Year o Spring Festival. Niay positibong panglantaw sa pagsulod sa bag-ong tuig.

Gipanghinaot ang 12 ka bulan nga kalipay, 52 ka semana nga kadasig, 365 ka adlaw nga kalamposan. Apan taliwala sa maong panghinaot daghang mohamok nga mga pagsulay kay mao may sonata sa kinabuhi.

Ang dalan god sa kalamposan dili hapsay kondili tugob sa mga balabag nga malampasan lamang pina­agi sa usa ka pasensyadong panaw.

Malipayong Pasko nga gisabak sa Misa de Gallo ug Bulahang Bag-ong Tuig nga sabakon sa mga palihi!

Buksan ang ika-453 nga pista señor sa Enero 11 nga maoy unang nobenaryo pinaagi sa Walk with Jesus. Ikasiyam ka adlaw ang Walk with Mary sa Enero 19 ug isunod ang traslasyon sa Birhen sa Guadalupe ug Santo Niño ngadto sa Saint Joseph Shrine sa Mandaue.

Enero 20, 2 am maoy kausaban diin dalhon na ang duha ka imahen ngadto sa Birhen sa Regla Shrine sa Lapu-lapu sa tumong nga mapalapdan ang debosyon ug sa 6:30am dalhon sa Muelle Osmeña alang sa fluvial procession nga manukad sa Mactan Channel luwan sa barko sa Phil Navy nga modunggo sa Pier 1.

Ikawas ug balik sa asilica ug ipahigayon ang re-enactment sa pag-ugbok sa krus, unang pagbunyag ug unang kasal nga nahitabo bitbit ang kris­tyanismo. Dili na sa naandang galleon sa mga Ouano ang sakyan sa mga balaang Birhen sa Guadalupe ug Señor Santo Niño apan makaapil sa raffle sa sunod kapistahan.

Fluvial kuyogan sa panon sa mga sakyanan sa kadagatan. Barkong Swiss nga 33 metros Fleur de Passion magsilbing unang langyaw nga mosalmot sa fluvial. Human sa fluvial isunod ang solemning prosesyon. Enero 21 ang kahulogan sa piyesta diin ang Sinulog grand parade mao na say masaksihan ang sinulog based, free interpretation, float, higante ug puppeters categories. Mga out-of town contingents naglakip sa Panglao, Kidapawan, Catbalogan, Dumaguete, Pamplona, Abuyog, Bais City ug uban pa.

Ipatuman ang pag-ban sa mga ilimnong makahubog ug party sa 300 metros nga gilay-on sa rota sa sinulog gikan sa Enero 21, 6am-Enero 22, 6am.

Ang mag-inom dakpon tungod usab sa posibling hulga sa mga terorista human giputol sa gobyerno ang sabot-sabot sa kalinaw pinasikad sa Proclamation No. 360 ni Pres. Rodrigo Duterte. Gani heightened alert ang mga armadong kusog sa nasod gumikan sa halapad nga pagpang-recruit sa mga ISIS-inspired nga mga terorista.

(csa_1156@yahoo.com/0916-734- 5737)
style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">



style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="4158864647">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph