ANG nationwide 7-Eleven Run 2018 himuon dungan sa tulo ka dakong siyudad sa nasud sa Pebrero 4.
"We're targeting at least 8,000 runners in Davao and a total of 30,000 nationwide," sulti ni project director Michelle Saludes atol sa media briefing gihimo niadtong Disyembre 27 didto sa Sumo Hotel in Davao City.
Ang lumba sa Davao magsugod-mahuman sa SM Davao sa kategoryang sa lalaki ug babaye nga 3K, 3km, 5km,10km, 10km Buddy Run 16km, 21km ug 42km.
Ang registration fees nagkantidad og P500 alang sa 3KM, P600 sa 5KM ug 10KM Buddy Run, P700 sa 10KM, P800 sa 16KM, P1,000 sa 21KM ug P1,500 sa 42KM.
"We're giving out loot bags, singlets, finisher shirts and medals," ni Saludes.
Ang deadline sa pagpalista karong Enero 23.
Ang unang tulo modaug sa 42K makadawat og P25,000, P20,000 ug P15,000 samtang sa 21K kay P20,000, P15,000 ug P10,000.
Sa 6K, ang tulo manguna dunay P15,000, P10,000 ug P7,000 samtang sa 10KM Buddy Run mouli og P10,000, P8,000 ug P6,000 sa maong han-ay.
Ang laing papremyo: sa 10K - P10,000, P7,000 & P5,000; 5K - P7,000, P5,000 & P3,000; 3K - P5,000, P3,000 & P2,000.
"The overall top three best times winners for Filipino males and females in the 21KM and 42KM categories will be sponsored by 7-Eleven to join an international marathon in Asia," dugang ni over-all race director Neville Manaois.
Si Tom Tan sa Davao Sunday Runners Club ang Davao race director.
Human sa malampuson nga Run 800 sa 2013, Run 1000 sa 2014, Run 1500 sa 2015 ug Run 2016, 2017, 7-Eleven mohimo og Run 2018.
"Run 2018 promises to be bigger and more exciting race, since it will be a simultaneous run in Cebu and Davao," ni Manaois.
Ang Manila race himuon sa Filinvest City sa Alabang (Bridgeway Avenue and Spectrum Midway) samtang sa Cebu sa Cebu Business ParK.
Magpalista lang sa http://www.run711.com/ ug mobayad sa bisan asa 7-Eleven store sulod sa 48 hours.
Ang Race kits makuha sa petsa nakabutang sa resibo ug gikan sa parehong tindahan diin asa nagbayad. (PR/LDR)
-
MMC-MFSM Mindanao
Congress sa Samal
KAPIN 200 mountaineers gikan sa nagkadaiyang mountaineer clubs sa rehiyon ang gilaumang mosalmot sa Mindanao Congress of the Mindanao Mountaineering Society (MMC) ug Mountaineering Federation of Southern Mindanao (MFSM) sa Enero 13 ug 14 ning tuiga didto sa Punta del Sol Beach Resort sa Island Garden of Samal.
Kini ang gipahibawo ni MMC Chairman Danilo "Jun" Bacus.
Ang presidente sa nagkadaiyang miyembro sa clubs ang mopili sab og bag-ong opisyal alang sa 2018 hangtud 2020.
Ang kasamtangan MFSM presidente si Rowena "Weng" Pacaldo sa CARE Group from Digos City.
Ang eleksiyon ug induction sa bag-ong opisyal himuon sa Enero 14.
Ang duha ka adlaw nga kalihukan dunay President's Meeting, coastal clean-up, mini adventure race, parlor games, Basic Mountaineering Clinic, Leave No Trace lecture, Climate Change Symposium ug acoustic band atol sa awarding night.
Duna sab ihatag nga awards alang sa most outstanding club presidents, officers, members, outdoor shops, outdoor suppliers, sponsors and mountain guides for 2015-2017, Loyalty Awards ug Lifetime Achievement Awards.
Ang maong kalihukan gisuportahan sa Department of Tourism, Oyet Award Craft, The Boatman, House of Lord Anthony, The Ripwave, Wahig Outdoors, Rocksite Outdoors, Forest Outdoors, Trail Outdoors, Mulatto Outdoor Apparel, Higherground, Emperador Distillers, MOB Production Ads, Mountain Gear, Phil. Retirement Authority, Blast Events, Pacaldo Lights and Sounds, ForePlay News ug SunStar Davao. LDR/PR